Валентина ПЕТРОВА

31 Раштав, 2014

Уяв умĕн - Раштав ярмăркки

Çĕнĕ çул умĕн Шупашкарта тата республикăн ытти хулинче Раштав ярмăрккисем ĕçлеме пуçларĕç. Сăмах май, кĕркунне ялхуçалăх апат-çимĕçне сутас тĕлĕшпе «Кĕр парни» иртнĕччĕ. Унта çĕр ĕçченĕсем 2 пин тонна çĕрулмипе пахча çимĕç сутса 27,6 млн тенкĕ тупăш турĕç.

Çакнашкал ярмăрккăсене предприяти-организацисĕр пуçне килти хушма хуçалăхра вăй хуракан та хутшăнма пултарать. Экологи тĕлĕшĕнчен таса апат-çимĕçе хула çыннине хăех сутать.

24 Раштав, 2014

Çамрăкран та ирттереççĕ

«Раççей пенсионерĕсен пĕрлĕхĕ» общество организацийĕ кăçал 20 çул тултарчĕ. Çавна май çак пĕрлĕхĕн Чăваш Енри уйрăмĕ форум йĕркелерĕ. Унта тĕрлĕ районпа хулари «Раççей пенсионерĕсен пĕрлĕхĕн» представителĕсем хутшăнчĕç. Çавăн пекех компьютер технологине алла илес тĕлĕшпе ирттерекен олимпиадăра тупăшакансем те. Сăмах май, вăл кăçалхипе виççĕмĕш хут иртрĕ. Малтанхи турĕ районсенче пулнă. Унта мала тухнисем республикăра ăмăртрĕç.

24 Раштав, 2014

Çырнă сăмах çухалмасть

Борис Леонтьевич Борлен /Тихонов/ пурăннă пулсан декабрĕн 20-мĕшĕнче 80 çул тултармаллаччĕ. Вăл халăх хушшинче писатель, публицист, поэт, журналист тата педагог пек асра юлчĕ.

Иртнĕ эрнере Шупашкарти К.В.Иванов ячĕллĕ литература музейĕнче Борис Леонтьевича асăнса ятарлă каç иртрĕ. Унта унăн çывăх çыннисем, тăванĕсем, пĕлĕшĕсем пуçтарăнчĕç. Ăна пурте ырăпа аса илчĕç, пултарулăхне пысăка хурса хакларĕç. Шупашкарти 10-мĕш шкулта вĕренекенсем Борис Борленăн «Хаваслă паллашу» тата «Зоопаркра» кĕнекисенчи сăвăсене вуларĕç.

10 Раштав, 2014

Тупăш илес тесен тăкакна шутла

Чăваш ĕлĕкренех сысна усранă. Ваттисем каланă тăрăх - ялта сысна кĕтĕвĕ те пулнă. Ĕне, сурăх пекех вĕсем те уй-хире тухнă. Эпĕ астăвасса урамра та çÿретчĕç вĕсем. Е çумăр хыççăнхи кÿленчĕксенче чунĕсене кантаратчĕç, е сăмсипе çĕре чавалатчĕç. Паллах, кунашкал ÿкерчĕке халĕ ялсенче кураймăн.

Ун чухне кашни çемье аш-какай валли икĕ-виçĕ сыснаран кая тытман. Ара, çемье те йышлă пулнă. Килсерен сак тулли ача-пăча-çке. Аш пулсан вара яшка та тутлă.

10 Раштав, 2014