Чÿк уйăхĕн 17-19-мĕшĕсенче Сеулта Кăнтăр Корея кире пуканĕн тĕнче чемпионачĕ иртнĕ. Раççейĕн пĕрлештернĕ команди унта пĕрремĕш вырăн йышăннă.
Çĕршыв чысне çамрăк «пуканçăсен» йышĕнче Чăваш патшалăх ял хуçалăх академийĕн студенчĕсем Алексей Иванов тата Анастасия Александрова хÿтĕленĕ. Иккĕшĕ те вĕсем хăйсен виçисенче пĕрремĕш вырăн йышăннă, ылтăн медале тивĕçнĕ.
Чăваш Республикинче ипотека кредичĕ илекенсен йышĕ ÿссех пырать.
Кăçалхи тăхăр уйăхра Чăваш Енри банксем халăха çурт е хваттер туянма 13,4 миллиард тенкĕлĕх 9,1 пин тенкĕ кредит панă. Ку виçе пĕлтĕрхи çак тапхăртинчен 26,5 процент ытларах.
Регионти заемщиксен ипотека портфелĕн виçи çулталăк пуçланнăранпа 11 процент ÿснĕ, 48 миллиард тенкĕпе танлашнă. Çынсен банксен умĕнчи мĕн пур парăмĕн 54 проценчĕ ипотека кредичĕ шутланать.
Паян Шупашкарта К.В. Иванов ячĕллĕ Чăваш патшалăх академи драма театрĕн 100 çулхи юбилейне халалланă ăслăлăх-практика конференцийĕ уçăлчĕ.
Чăваш Енри Монополипе кĕрешекен служба явап тытаракан органтан асăрхаттаракан тытăма куçмалли çул-йĕрпе çирĕп утать. Кун пирки управлени ертÿçи Вячеслав Борисов ведомствăн 9 уйăхри ĕç-хĕлне пĕтĕмлетнĕ май пĕлтерчĕ.
Паян Шупашкарта Пĕтĕм Раççейри «Раççейшĕн» халăх фрончĕ» общество юхăмĕн Чăваш Республикинчи регион уйрăмĕн конференцийĕ иртрĕ. Ларăва Николай Казаков сопредседатель уçса тата ертсе пычĕ.
Чăвашла верси
Русская версия
