Роза АНАТОЛЬЕВА

Этемлĕх яланах çĕннине шырать. Информацие çĕнĕлле сарасси пирки пуçватать. Кирек епле хаçата е журнала кун çути кăтартассишĕн те, вăл пĕчĕк тиражлă пулсан та, ăста специалистсен пысăк ушкăнĕ ĕçлет. Вĕсем — журналистсем, фотокорреспондентсем, дизайнерсем, корректорсем, редакторсем. Паллах, набор операторĕсем те, калăплавçăсем те вăй хураççĕ. Кăрлачăн 14-мĕшĕнче сăмахăн хăватлă вăйĕпе усă куракансем Чăваш патшалăх филармонийĕнче хăйсен уявне паллă турĕç.

Паян Шупашкарти «Хула тĕп больници» бюджет учрежденийĕ хăй 55 çул тултарнине паллă тăвать. Юбилей - иртнине аса илсе малашлăха палăртмалли лайăх сăлтав. Хула тĕп больницин историйĕ вара Шупашкар, кунти промышленноç, строительство тата транспорт предприятийĕсен аталанăвĕн çул-йĕрĕпе тачă çыхăннă.

Арăмĕ упăшкинчен аслăрах пулни мăшăра телейлĕ пулма кансĕрлемест-и? Çулсем иртнĕçемĕн кун пек çемьере арçын айккине чупма пуçламасть-и? Мĕншĕн хăйĕнчен 10 çул аслă йĕкĕте качча тухакан пикене никамах та сÿтсе явмасть, çав вăхăтрах этемлĕхĕн черчен çуррийĕ хăйĕнчен пĕр теçетке çул кĕçĕнрех каччăпа «пĕр сукмакпа утма» килĕшни пирки сăмах-юмах тăватех? Кун пек чухне мĕн каласси те - куçкĕрет, халăх «çăварĕ» иккĕшне те «чĕпĕтсе» илетех.

Нумаях пулмасть хĕрĕмсемпе Çĕнĕ Шупашкарти "Атăл" кинотеатрта пултăмăр. 3D фильм пăхрăмăр. Кинофильмĕ кăмăла килчĕ, анчах çамрăк ăру, яш-кĕрĕмпе хĕр-упраç хăйне епле тытни килĕшмерĕ. Буфетра "попкорн" текен пылак çимĕç сутаççĕ. Ачапча шутсăр кăмăллать ăна. Пысăк стакансемпех туянать! Чи тĕлĕнмелли: киноччен кăна мар, ун вăхăтĕнче те пĕр вĕçĕм çиеççĕ ăна шăпăрлансем. Савăтри пылак çимĕç пĕтрĕ тĕк - çийĕнчех тепре тухса туянаççĕ. Сеанс вăхăтĕнче хутлаççĕ кăна! Урайĕнче... Чăх кăна мар, сысна тăранмалăх та апат çителĕклĕ.

27 Sep, 2014 | Хыпар | Хула | Уяв

Çĕнĕ Шупашкарсем хулан 54-мĕш çуралнă кунне паллă турĕç. Телее, çак кун çанталăк та аван тăчĕ. Уяв мероприятийĕсен программи Çĕнтерÿ тÿремĕнче "çăлтăрпа" зарядка тунинчен пуçланчĕ.

Pages

Subscribe to Роза АНАТОЛЬЕВА