Хăй вăхăтĕнче вунă çул Чăваш Енĕн сывлăх сыхлавĕн министерствине ертсе пынă Нина Суслонова виçĕ çул Мускав облаçĕн сывлăх сыхлавĕн министрĕ пулнă хыççăн çак должноçран кайнă.
Халь вăл — облаç кĕпĕрнаттăрĕн канашçи. Вăл пушатнă пукана вара Дмитрий Марков йышăннă.
Вăл е ку преступление уçса панă май ытларах чухне тепĕр майлă пулать: саккуна кам пăсни паллă, анчах ăна шырама тивет. Ку тĕслĕхре вара преступнике тытнă, анчах вăл кам - хальлĕхе паллă мар.
Жванецкий «отлично, Константин!» тенине ку тĕслĕхре ирĕксĕрех тепĕр майлă çавăрма тивет - лайăх мар! МЧС тытăмĕн судпа экспертиза учрежденийĕн ертÿçи пулнă Константин Михайлов тĕлĕшпе палăртнă приговор саккунлă вăя кĕнĕ.
ЧР Аслă сучĕ Шупашкарти Мускав районĕн сучĕн кăçалхи çурла уйăхĕн 13-мĕшĕнче вуласа панă приговорне улăштармасăр çаплипех хăварнă. Михайлова 7 çул та 6 уйăхлăха ирĕклĕхсĕр хăварса çирĕп режимлă колоние ăсатма, шалти служба полковникĕн званийĕсĕр хăварма тата 10 млн тенкĕлĕх штрафлама йышăннăччĕ - çак айăплав вăя кĕнĕ.
34 çулти арçынпа унăн 29-ти мăшăрĕ суд умне тăнă. Шупашкар çыннисене Ленин районĕн сучĕ каварлашса взятка панăшăн айăпланă.
Шалти ĕçсен министерствин транспорт çинчи Чăваш лини пайĕн дознани уйрăмĕ Çĕнĕ Шупашкарта пурăнакан 24 çулти каччă тĕлĕшпе уголовлă ĕç пуçарнă. Вăл саккуна пăсса пулă тытнăшăн явап тытать.
Чăвашла верси
Русская версия
