Элĕк район сайчĕ Ехремкасси ял библиотеки «Несĕлсен çулĕпе» велочупу йĕркелени çинчен пĕлтерет. Вăл «Юрататăп сана, Чăваш Енĕм: Элĕк районĕ» проектпа килĕшÿллĕн пурнăçланса пырать.
ЧР Культура министерстви Наци библиотекинче «Чăваш çĕрĕн эрешĕсем» курав уçăлни çинчен пĕлтерет. Ăна Иван Яковлев Аслă вĕрентекен çуралнăранпа — 170 çул, «Паха тĕрĕ» фирма йĕркеленнĕренпе 95 çул çитнине халалланă. Унта «Паха тĕрĕн», ЧР культурăн тава тивĕçлĕ ĕçченĕн Евгения Жачевăн, «Асамлă тĕрĕ тĕнчи — 2018» ачасен конкурсĕн лауреачĕсен ĕçĕсемпе паллашма пулать.
Чĕмпĕр облаçĕнчи С.Т. Аксаков ячĕллĕ ачасемпе çамрăксен библиотекинче чăваш кĕнекин «Халăх мерченĕсем» уявне йĕркеленĕ. Ăна Аслă Вĕрентекенĕмĕр Иван Яковлев çуралнăранпа 170 çул çитнине халалланă.
ЧР Çут çанталăкпа экологи министерстви Патăрьел районĕнче хĕллехи ыйхăран вăраннă сăвăрсене курнине-асăрханине пĕлтерет. Халĕ вĕсем пĕлтĕрхи курăкпа тăранса пурăнаççĕ. Каярах хăйсен йăвине юсама пуçлĕç е çĕннине чавĕç.
ЧР Культура министерствин пресс-служби Чăваш патшалăх культурăпа искусствăсен институчĕн студенчĕ Юлия Касаева (сăн ÿкерчĕкре) Пĕтĕм Раççейри «Çамрăксен пултарулăх пуçарăвĕсем» проектсен конкурсĕнче мала тухни çинчен пĕлтерет.
Чăвашла верси
Русская версия
