Чăваш Енри наркополицейскисем Анат Тагилтан килнĕ икĕ çынна тытса чарнă. Сăлтавсăр мар. Хайхискерсем республикăра хăйсен наркобизнесне аталантарасшăн пулнă: пирĕн тăрăхра синтетика хутăшĕсене сутма пуçланă.
ЧР Наркотĕрĕслев управленийĕн пресс-служби пĕлтернĕ тăрăх - "гастролерсем" республикăра темиçе уйăх ĕçлеме ĕлкĕрнĕ. Вăрттăн вырăнсене "синтетика" хура-хура хăварнă. Çапла майпа кĕсйисене самаях хулăнлатнă.
ЧР Наркотĕрĕслев управленийĕн ĕçченĕсем 20 çулти çамрăка тытса чарнă. Пакунлисем Шупашкарти аслă шкулсенчен пĕринче ăс пухакан каччă тата унăн анне пулма хатĕрленекен пĕлĕшĕ саккуна хирĕçле ĕç тунине çирĕплетнĕ. Калинин районĕн сучĕ вĕсем тĕлĕшпе айăплав приговорĕ йышăннă.
Правительство çуртĕнче çул çитменнисемпе ĕçлекен тата вĕсен прависене хÿтĕлекен комисси ларăвĕ иртрĕ. Профилактика ĕçĕшĕн яваплă органсем çул çитменнисен хушшинче çапкаланчăклăха, йĕркене пăснине пĕтерессипе çыхăннă ыйтусене пăхса тухрĕç. Çавăн пекех Чăваш Енри вĕренÿ учрежденийĕсене терроризмран, криминаллă ĕç-хĕлтен, ачасен сывлăхне сиен кÿрекен информацирен сыхлассине, ача усрама илекен çемьесен институтне вăйлатассине сÿтсе яврĕç.
Ларăва ЧР Сывлăх сыхлавĕн, Вĕрентÿ, Культура министерствисен, ШĔМ ытти тытăм представителĕсем, хутшăнчĕç.
РФ Наркотĕрĕслев службинче Пĕтĕм Раççейри «Аннесем наркотиксене хирĕç» общество организацийĕн йĕркелÿ сћезчĕ иртнĕ. Унта çĕршыври 54 субћектран 60 ытла делегат хутшăннă. Чăваш Енрен Мускаври сћезда ЧР наркологи диспансерĕн реабилитаци уйрăмĕн ертÿçи Алевтина Андреева кайнă.
Чăвашла верси
Русская версия
