Раççейре Амăшĕн кунне паллă тăвас умĕн Чăваш Енри чи туслă, пултаруллă, ĕçчен çемьесене пĕрле пухса чысласси йăлана кĕчĕ. Чÿк уйăхĕн 25-мĕшĕнче К.В.Иванов ячĕллĕ Чăваш патшалăх академи драма театрĕн çурчĕ вĕсемпе тулчĕ. «Çулталăк çемйи — 2016» конкурса хутшăнса харпăр хăй пурăнакан район-хулара çĕнтернĕ çемьесем, вĕсен савăнăçне пайлама тĕв тунă тус-тăванĕ килсе çитрĕ уява.
Хальхи вăхăтра инженери специальноçĕсене аталантарассипе çыхăннă ыйтусене çĕршывра çивĕччĕн çĕклеççĕ. Çапах пĕрисем вĕсене аталантарассине мĕнрен пуçăнасси пирки шухăшланă хушăра теприсем экономикăшăн усăллă улшăнусене вăя кĕртме тытăннă та ĕнтĕ. Çавнашкал ăнтăлуллă, палăртнă тĕллеве хастаррăн пурнăçлама пултаракан çынсенчен пĕри — Шупашкарти электромеханика колледжĕн директорĕ Алексей Судленков.
Псков хулинчи çул çитмен икĕ çамрăк хăтланăвĕ çĕршывĕпех калаçтарчĕ. Чуна кисрентерекен, пуçа шăнăçми хăрушă пулăма Интернетри тĕрлĕ сайтра сÿтсе яваççĕ, çамрăксем ÿкернĕ видеосыпăксем тăрăх тискер преступление, алла хĕç-пăшал тытма вĕсене мĕн хистенине тĕпчеççĕ. Черетлĕ синкер, черетлĕ хутчен шăв-шав... Кăшт вăхăт иртсен пурте лăпланĕç, вун-вун ыйту çуратакан преступлени манăçĕ. Çул çитмен çамрăксем хăйсен тата ыттисен пурнăçне сиенлетнĕ тĕслĕх нумайланнăçем нумайланса пыни, паллах, кирек кама та шухăшлаттарма тивĕç.
Чăвашла верси
Русская версия
