Тĕлĕнетĕн Çĕмĕрле районĕнчи Тукас çыннисенчен: ялта лавкка та, клуб та, шкул та, фельдшер пункчĕ те çук. Темиçе çул каялла хытă сийлĕ çул пулманран урамра пĕç таран пылчăк çăрнă. Юрать-ха, пĕр суйлав вăхăтĕнче пуçлăхшăн суйламастпăр тесе хăраткаланă хыççăн яла асфальт сарса панă. Куншăн хĕпĕртет Александр Васильевич Альцев.
Çунман йышши паха кирпĕчрен 1954 çулта купаланă витере тăракан выльăх "Звезда" СХПКна /Патăрьел районĕ/ паян кун та тухăçлăхпа савăнтарать. Унсăрăн мĕнле пултăр/ 400 пуç мăйракаллă шултра выльăх /ку шутра 160-ăшĕ сăвакан ĕне/ хăйне чунтан юратса пăхнине, тăрăшнине туять мар-и/ Кăçал ĕнене пăрулаттармалли тата пăру усрамалли уйрăмсен тăррине çĕнĕрен витнĕ. Маларах сăвакан ĕнесене çуллахи лагере инçете илсе кайнă, халĕ ăна вите çумĕнче йĕркеленĕрен тата унта сĕт пăрăхĕ вырнаçтарнăран иккĕмĕш çул ĕнтĕ дояркăсем хавхаланса ĕçлеççĕ.
Ял çыннишĕн выльăх пурнăç тыткăчи тетпĕр, сĕтел çинче сĕт юр-варĕ, аш пулсан çемье тутă. Выльăх-чĕрлĕх усрамасăр ял хуçалăх предприятине те пурăнма йывăр. Фермăра тăкакĕ пайтах, анчах унсăр хуçалăх çурма тăлăххăн туйăнать. Хăшĕ-пĕри манпа килĕшмесен те пултарать, анчах выльăх-чĕрлĕх ĕрчетес тытăмра çитес çул палăрмалла улшăнусем пулмалла. Çакă чăваш хресченне те хавхалантармалла.
6 çулта чухне кукамăшĕ унăн умне чăх, сурăх шăммисене хурса вĕсене мĕнле тĕрĕс, пĕр тикĕс лартмаллине ăнлантарнă. Шăмă хуçăлсан таврари çынсем хĕрача кукамăшĕ патне васканă. Хĕр пĕрчишĕн пирвайхи "урок" питĕ кăсăклă иртнĕ. Мĕнрен мĕн пулнине тĕплĕ пĕлесси халĕ те çухалман тивĕçлĕ канăва тухнă хĕрарăмăн. Ĕмĕр тăршшĕпе вĕренет вăл, пире те тĕрĕс пурăнма, хамăра юратма вĕрентет. "Унсăрăн çын сывлăхлă пулаймĕ", - тет.
Пĕчĕклех амăшне чĕртнĕ
Канаш районĕнчи Киров ячĕллĕ СХПК председателĕ Николай Степанович Андреев ялхуçалăхĕнче "шур сухал" пулнăран-ши /ЧР, РФ ялхуçалăхĕн тава тивĕçлĕ ĕçченĕ 30 çул ытла пĕр лава туртса пырать/, шухăша тÿртен калама хăнăхнă. Тепĕр чухне куншăн, тен, ÿкĕнет те, анчах тÿрĕ çултан пăрăнмасть.
Чăвашла верси
Русская версия
