Григорий СЛАВИН

Пурăнмалли çурт-йĕрпе коммуналлă хуçалăхра реформа пуçланни темиçе çул, çапах ку тытăмра йĕрки çукрах пулас. Çакна судра пăхса тухнă хăшпĕр ĕçсем çирĕплетеççĕ.

Çĕнĕ Шупашкар хула судĕнче «Новэк» управляющи компанийĕн ĕçне-хĕлне тишкернĕ. Тĕрĕссипе коллектив çинчен сăмах пымасть кунта, пĕтĕм шăв-шав унăн ертÿçи пулнă Ющенкăпа çыхăннă. Компани пăхса тăракан çуртсене ăшăпа тивĕçтернĕ предприятисемпе татăласси питĕ япăхса кайнă. Шăпах вăл директорта ларнă çулсенче.