Елена АТАМАНОВА.

2 Утă, 2020

Çу кунĕсем ĕçпе илемлĕ

Алена пахчари йăрансене çумланă хушăра Люба çулталăкри шăллĕне Ромăна пăхать. Ашшĕнчен кунĕпе те ниçта юлман Лева урамра футболла выляма вăхăт тупатех. Ун çумне те пĕчĕккĕллех куршанак çыпăçнă.

15 Юпа, 2018

Лавкка вăррине тытнă

ЧР ШĔМ пресс-служби пĕлтернĕ тăрăх, кăçалхи юпан 12-мĕшĕнче 13 сехет те 40 минутра Патăрьел районĕнчи Шăнкăртам ялĕнчи апат-çимĕç лавккине çаратнă. Пĕр арçын кĕнĕ те сутуçăран рис ыйтнă, хайхискер кĕрпене тултарма пăрăннă хушăра сĕтел айĕнчен укçа курупкине туртса кăларнă, унта 10 пин тенкĕ пулнă. Арçын ăна илсе тарнă. Сутуçă хыççăн хăваланă, анчах та вăрра тытайман. Ял çыннисем арçын «ВАЗ-2115» автомобиль çине ларса тарнине асăрханă.

31 Çу, 2018

Эрех-сăра суттармĕç

Чăваш Енре çĕртмен 1-мĕшĕнче алкоголь сутма чараççĕ. Шупашкар хула администрацийĕн пресс-служби пĕлтернĕ тăрăх, ку суту илÿ предприятийĕсене çеç пырса тивет, пĕтĕмĕшле апатлану заведенийĕсем унчченхи йĕркепех ĕçлĕç.

Çавăн пекех çĕртмен 27-мĕшĕнче те республика территорийĕнче тата тĕп хулара эрех-сăра суттармĕç. Ку Çамрăксен кунне уявланипе çыхăннă. Унсăр пуçне Раççей тата Республика кунĕсенче — çĕртмен 12, 23 тата 24-мĕшĕсенче уяв иртекен, халăх йышлă пухăнакан вырăнсенче алкоголь суттармĕç.

 

Pages