Çул пĕр енĕпе - вĕçĕ-хĕррисĕр уй, тепĕр енче - çамрăк хырсем, вĕтлĕх, шап-шурă чечеклĕ çĕр çырли уçланкисем... Йĕри-тавра нимĕнле ял та çук. Аслă Кăршка еннелле шăтăк-путăклă, вырăн-вырăн курăк пусса илнĕ çул илсе каять.
Кивĕ Ахпÿртре пурăнакан Анатолий Каргин хăйне евĕрлĕ çын. Вăл хăй вăхăтĕнче кире пуканĕпе штанга çĕклессипе районта çеç мар, республикăри ăмăртусене те хутшăннă. Кайран лашасемпе кăсăкланма пуçланă. Паянхи кун урхамахсемсĕр пурăнма пултараймасть. Çак спорта аталантарассине пуçĕпех парăннă.
Вячеслав Владимировичпа Светлана Васильевна Хрулевсен 13 ача: 7 ывăлпа 6 хĕр. Çĕрпÿ тăрăхĕнчи Кĕлешкасси ялĕнче пурăнаканскерсем çумăр пĕлĕчĕсем тарса пытаннă хыççăнах пахчана ĕçлеме тухнă.
Пÿрт умĕнчи палансем шап-шур чечекреччĕ. Кил хуçи лартнă вĕсене. Кĕркунне çырли куçа йăмăхтарса аякранах илĕртнĕрен ытараймасть вĕсене арçын. Урам енчи пĕчĕк пахчара темĕн тĕрлĕ чечек шăтса тухнă.
Темле йывăр лару-тăрура пурăнакан та пур. Çемьере хирĕçÿ чылай чухне ĕçкĕпе иртĕхнине пула тухать. Арçын кашни кун ÿсĕр килсе мăшăрĕпе ачи-пăчине канăç памасть. Теприсем никама каламасăр çакна ĕмĕрĕпех е пĕр-пĕр инкек пуличчен чăтса пурăнаççĕ. Ĕçкĕçсен çемйинче пуринчен ытларах ачисене шел. Пĕрмай хирĕçни, çапăçни пĕчĕкскерсен чунне, ăс-тăнне амантать. Ĕçке ярăннă çынпа вĕçне-хĕрне тухма çук. Çитменнине, унран çак самантра темĕн те кĕтсе илме пулать. Çавăнпа та ку вăхăтра килтен тухса кайни лайăхрах та пуль. Анчах та ăçта каймалла?
Чăвашла верси
Русская версия
