Канашри Полевой урамри 18-мĕш çурта призывниксен нумай-нумай ăрăвĕ лайăх пĕлет - кунта пухăну пункчĕ вырнаçнă, салтаксене чаçе ăсатиччен Чăваш Енри çар комиссариачĕсенчен призывниксене илсе килеççĕ. Пухăну пункчĕ - хупă режимлă объект, унта службăра тăракансем тăвансене те, юлташсене те кĕртмеççĕ.
Куйбышеври çар чаçĕнчен тухнă пуйăс ăçталла чашлаттарнине салтак аттине тин кăна тăхăннă яшсем çанталăкран çеç тавçăрайнă. "Кăнтăралла каятпăр пулас..." - ăшша сиссе пăшăлтатнă географие тĕшмĕртнисем. Ăçта илсе çитерессе вĕсене никам та пĕлтермен. Ташкентра чарăннă хыççăн вакунра ларса пынă Аслă Елчĕк каччи Сергей Бобин юлташĕсене çапла каланă: "Курăр акă, ыран Термез пулать. Киле çыру ярса ĕлкĕрĕр". Ăçтан пĕлет-ха вăл ăна? Узбекистанри çав хулара çар бази вырнаçнине те, унтан салтаксене Афганистана ăсатнине те...
Раштавăн 3-мĕшĕнче «Çамрăксен хаçачĕн» уявĕ иртрĕ. Çак куна пирĕнпе пĕрлех хисеплĕ вулаканăмăрсем те кĕтрĕç.
К.В.Иванов ячĕллĕ Чăваш патшалăх академи драма театрĕнче Николай Тереньтев пьесипе черетлĕ премьера иртрĕ. Наталия Сергеева режиссер лартнă «Манăн çăлтăр тÿпере» драмăн теми паянхи куншăн та çивĕч: çынсен хутшăнăвĕсем, юрату, çамрăксен пуласлăхĕ.
Чăвашла верси
Русская версия
