Archive - 2018 - Çамрăксен хаçачĕ

* Лекерова «стрелкăна» чĕннĕ, Семеновăна çăм нуски парнеленĕ

* Халăхпа пулас тесе туннеле юрлама тухаççĕ

Туятăр-и: çуркунне çывхарса килнине темĕн те систерет: хĕвелĕ те хытăрах хĕртет пек, çынсен питĕнче те йăл кулă ытларах палăрать пек… Инстаграмра та çуркунне çитнĕ. Ĕненместĕр-и?

Урам юрăçисем ĕлĕкех пулнă, халĕ те вĕсенчен никам та тĕлĕнмест. Хĕл кунĕнче сивĕрен хăрамасăр урамра юрлакансене Шупашкарта та куркалатпăр. Иртен пуçласа каçчен уçă сывлăшра тăнăскерсен укçи-тенки каçхи апатлану валли çитет-ши?

Чăваш эстрадин тĕнчинче хăй сукмакне тупнă Ирина ШИНЖАЕВА юрăçа хăйне сцена çинче чăрсăр тытнишĕн, шалти туйăмĕсене пытарманнишĕн, уçă кĕпесем тăхăнма именменнишĕн кăмăллатăп. Ку, манăн шухăшпа, — пысăк хăюлăх.

Интернетра тавар туянасси йăлана кĕчĕ. Курман, тытса пăхман япаланах илме шикленместпĕр. Апат-çимĕçе те интернет урлă саккас паратпăр, кăмăла каякан тумтир туянатпăр, укçа куçаратпăр…

Тиматипе Максим Фадеев продюсер пултаруллă çынсене шыраççĕ. Çак тĕллевпех вĕсем ТНТ телеканалта «Песни» проект йĕркеленĕ, пысăк кастинг ирттереççĕ. Иртнĕ шăматкун суйлавăн 5-мĕш тапхăрĕ эфира тухнă.

Шупашкара НТВ телеканалăн ÿкерÿ ушкăнĕ çитнĕ. Пушăн 11-14-мĕшĕсенче «Поедем, поедим!» кăларăма ертсе пыракан Джон Уорренпа операторсем чăвашсен культурипе, вырăнти кухньăпа паллашнă, тĕп хула илемĕпе киленнĕ.

* Кил умĕнче – танксем

* Уяв тĕлне - 10 ача сачĕ

* Ашшĕ те, алименчĕ те çук

Красноармейски районĕнчи Янкас ялĕнче икĕ танк вырăн тупнă! Хăраса ан ÿкĕр, чăннисем мар, юртан ăсталанисем. Вĕсене Анатолий Антонов хатĕрленĕ.
Т-90 тата ИС-3 маркăллă çар техникине ăсталама Анатолин мăшăрĕ ыйтнă. Кил хуçи интернетра картинăсем тишкернĕ. Кÿлепесене тума арçынна çемйипех пулăшнă. Танксем иртен- çÿрен кăмăлне çĕклеççĕ. Шел, кÿлепесем юр ирĕличчен çеç лараяççĕ.

Шупашкар хула администрацийĕнче тунтикунхи канашлура «Вĕрентÿ аталанăвĕ» патшалăх проектне пурнăçа кĕртесси пирки калаçнă. Тĕп ыйту — шкул ÿсĕмне çитменнисем валли садикре вырăнсем хатĕрлесси.
Çĕршывра ача сачĕсем хăпартма бюджетран ытларах укçа уйăрма палăртнă. Чăваш Ене 1 млрд та 330 млн тенкĕ килĕ. Кăçал Шупашкарти «Çĕнĕ хула» тата «Соляное» районсенче садиксем çĕклеме пуçлĕç. 2018-2019 çулсенче 8 садик хăпартас ыйтăва тăратма кирлине палăртнă. Çакна йышăнсан тĕп хула 550 çул тултарнă тĕле çĕнĕ 10 ача сачĕ пулĕ. Унта 2 пин шăпăрлан çÿреме пултарĕ.