Archive - Aug 2017 - Хресчен сасси

август 2nd

Раççей ял хуçалăх надзорĕ иртнĕ çулхи тĕрĕслевсем тăрăх Федерацин Атăлçи тата Тĕп округĕсенче усă курман çĕрсем уйрăмах нумай пулнине палăртнă. 182 пин гектар пулăхлă уй-хире çум курăк пусса илнĕ. Çав шутра Чăваш Енре кăна 6088 гектара пусă çаврăнăшне кĕртмелле. Тăвай, Улатăр, Элĕк, Вăрнар, Куславкка, Муркаш, Шупашкар, Çĕрпÿ, Етĕрне, Йĕпреç, Вăрмар, Канаш, Пăрачкав районĕсенче юхăнса выртакан çĕр пайтах.

Надежда Васильева.

Шупашкар районĕнчи Кăшавăш ял тăрăхĕн пуçлăхĕнче ĕçленĕ çын служба вырăнĕпе усă курса саккуна пăснине пĕлтернĕччĕ. Пуçлăх 2008-2010 çулсенче суя документсем хатĕрлесе ял тăрăхĕн территорийĕнчи вунă çĕр участокне пĕлĕшĕсене уйăрса панă. Ултавлă майпа илнĕ лаптăксене лешсем хаваспах харпăрлăха куçарнă. Çапла майпа чиновник Шупашкар район администрацине /лаптăксем унччен унăн харпăрлăхĕнче шутланнăº 3 млн тенкĕлĕх тăкак кăтартнă.

Лариса АРСЕНТЬЕВА.

Тăвансенчен пире çурт-йĕр, пахча куçрĕ. Участокăн докуменчĕсене йĕркелеме тытăнсан кÿршĕ пирĕн çур пахчана «прихватизацилени» палăрчĕ. Çитменнине, ăна документпах çирĕплетнĕ. Лаптăка каялла мĕнле тавăрмалла-ши?

М.КУЗЬМИН.

Шупашкар районĕ.

Лариса АРСЕНТЬЕВА.

Паян — Сывлăш-десант çарĕсен кунĕ. Уява Раççейре кăçалхипе 87-мĕш хут палăртаççĕ. Десантниксене халалласа Шупашкарти «Победа» Мемориал комплексĕ умне чечек кăшăлĕ хураççĕ. Каярахпа уяв Хĕрлĕ лапамра малалла тăсăлать. Çавăн пекех тĕп хулари аэроклубра Уçă алăксен кунĕ иртет. Сывлăш-десант çарĕнче хĕсметре пулнисене юрă-кĕвĕпе савăнтарĕç, ăмăртусем йĕркелĕç.

 

Pages