Архив - Авг 2017 - Хресчен сасси

Август 30th

30 Авг, 2017

Çылăхсăр тăлăх арăм

Вилĕм Володя Коннова утмăл çул тултарсан, пĕрремĕш пенси илнĕ хыççăн, тепĕр ир тыткăнлама пикенчĕ. Çемье пуçлăхĕ хăй те маларах арăмне: «Эх, пенсие çеç тухасчĕ…» — тесе чунне лăплантаратчĕ. «Вара мĕн… ĕçме пăрахас тетĕн-им?» — пырса тыттаратчĕ Марина стаканпа çăра чей мухмăрпа аптранă упăшкине.

30 Авг, 2017

Чăваш, хăв чĕлхÿне упра!

Тăван чĕлхем çинчен сăмах хускатас килет хальхинче. Хулара мар, ялта та вырăна хуми пулчĕç ăна. Чăваш çемйисенчех «вырăс ачи» çитĕнет. Ашшĕ-амăшĕпе те, урамра та вырăсла калаçать вăл. Шкулта та анне чĕлхи кирлĕ мар ăна. Тăван чĕлхе урокĕнче ларнипех чăваш чунлă пулаймăн. Ун пирки шухăшламалли те çук. Ашшĕ-амăш калаçнине илтет-çке вăл. «Мĕн тума кирлĕ мана чăваш чĕлхи?» — пĕтĕмлетет хайхискер. «Чăвашла вĕреннипех мала каяймăн», — теççĕ аслисем те. Тăван чĕлхене вĕрентес вырăнне ачине тăрăшсах акăлчан чĕлхине хăнăхтараççĕ "интеллигентсем".

30 Авг, 2017

Ăс патăр ватти, вăй патăр яшши

Муркаш районĕнчи Ярославка ялĕнчи Алексей Карпов фермер хуçалăхне йĕркеленĕренпе çулталăк ытларах кăна, çапах та вăл ура çинче çирĕп тăрать темелле. Паянхи кун ĕне выльăх шучĕ — 10, вĕсенчен сăвăнаканни — 4. Унсăр пуçне Карповсем картиш тулли кайăк-кĕшĕк усраççĕ. Çăмăл мар çак ĕçре Алексей Владимировича мăшăрĕ Ольга пулăшать. Унсăр пуçне ашшĕпе амăшĕ те.

30 Авг, 2017

Пахалăха кура хакĕ

Хуçалăхсенче вырма хĕрсех пырать. Малтанлăха палăртнă тăрăх — тухăç пĕчĕк мар, гектар-тан вăтамран 28 центнер тухать. Анчах унăн пахалăхĕ тивĕçтерет-ши? Ăна кура тупăшĕ-çке.

Август 23rd

23 Авг, 2017

Пултăрана тасатаççĕ

Чăваш Енре наркăмăшлă пултăранпа кĕрешме пуçланă. Ăна ятарлă техникăпа тĕп тăваççĕ. Çурла уйăхĕн 17-мĕшĕ тĕлне Канаш, Йĕпреç, Шупашкар, Вăрнар, Пăрачкав, Улатăр, Етĕрне районĕсенче çул хĕрринче çитĕнекен пултăрана пĕтернĕ.

Çул-йĕре пăхса тăракансем ăна хими мелĕпе тасатаççĕ. Çак ÿсен-тăран çыншăн сиенлĕ. Унăн сĕткенĕ ÿт-тире лексен çунтарать. Унсăр пуçне наркăмăшлăскер питĕ хăвăрт сарăлать.

 

23 Авг, 2017

«Турă пăхса пурăнать мана»

«Пирĕн йăхра ĕçе юратакан, ăслă-тăнлă çын нумай пулнă. Сăмахран, Мĕтри мучи чылай тапхăр ял совет председателĕнче ĕçленĕ, — тет Еншик Чуллăра пурăнакан Клеопатра Георгиева. — Атте те чаплă çĕвĕçĕ пулнă. Хăех касса кĕпе-йĕм, тумтир çĕленĕ.

Страницы