Archive - 14 Нарăс, 2015 - Чăваш хĕрарăмĕ

- Сусăр ачине упăшкипе пăрахса хăварса хĕрарăм ют арçын патне тухса кайнă.

- Алексей Альфонс: «Хушаматран кулнăшăн кÿренместĕп».

- Эмел хакĕсем «çыртаççĕ».

- Ташă каçне - конькипе.

- «Куçăм çулне çитнĕ хĕрĕм вăтанать».

- Юрату сăмахĕсем калама пĕлетĕр-и?

- Тĕнчери чи хитре хĕрача Мускавра пурăнать.

Вулаканăм! Çĕнĕ рубрика “Çăлтăр сехечĕ” сĕнетпĕр. Паллă çынсене паян мĕн ытларах канăçсăрлантарать - çакăн пирки вĕсем хăйсем каласа кăтартĕç. Юратнă хаçат страницисенче сирĕн тата кама сăмах парас килет - çырса пĕлтерĕр.

Вĕçĕ-хĕррисĕр юрату тытса тăрать çынна çак тĕнчере. Вăл хальхи пурнăçпа çырлахма, ырă малашлăха шанма вăй парать. Ку туйăм анлăшне сăмахпа уçса пама та çăмăлах мар. Ăна чун, чĕре витĕр кăлармалла.

Çак йĕркене пурнăçа кĕртесси çинчен Раççей Президенчĕ Владимир Путин 2014 çулти июлĕн 25-мĕшĕнчех хушу кăларнă. Пирĕн республикăра медицина пулăшăвĕн хакне пĕлтĕрхи ноябрĕн 1-мĕшĕнчен çырса палăртма пуçланă. Çулталăк вĕçлениччен 238 пин справка панă. Сывлăх сыхлавĕнчи çĕнĕлĕх çинчен халăха массăллă информаци хатĕрĕсем урлă пĕлтернĕ.

Раççейĕпех, çав шутра пирĕн республикăра та, юлашки вăхăтра ОРВИ тата грипп чирĕсемпе аптăракансен йышĕ ӳссех пырать. Вирус инфекцийĕ уйрăмах ачасене, çав йышра тин çуралнисене те, хăвăртах лекме пултарать.

«Грипп тата ОРВИ вирусĕ тĕрлĕрен. Лаборатори тĕрĕслевĕ кăна тĕрĕс пĕтĕмлетӳ тума пулăшать. Тĕслĕхрен, грипп 50 тĕрлĕ вирусне тупса палăртнă», - ăнлантарать республикăри Роспотребнадзорăн тĕп специалисчĕ Александр Баранкин.

Юлашки вăхăтра хаксем ÿссе кайни - çынсене чи калаçтаракан ыйтусенчен пĕри. Эмелсем тĕлĕшпе пушшех пăшăрханать халăх: тем тесен те, чирли вĕсемсĕр пурăнаймасть-çке. Пĕлтĕрхипе танлаштарсан пурнăçшăн уйрăмах кирлисен йышне кĕрекеннисем /вырăсла вĕсене ЖНВЛП тесе палăртаççĕ, 2015 çулта çак списокра - 567 ят/ 50 тенкĕрен йÿнĕреххисен хакĕ пушшех ÿсни паллă. Ятарлă списока кĕменнисенчен, халăх ытларах туянаканнисенчен Цитромон П тата Циннаризин уйрăмах хакланнă.

Командировкăсене час-часах çÿренĕ май тĕрлĕ çынпа курса калаçма тивет. Пĕрисем патĕнчен хавхаланса, хăпартланса таврăнатăн. Епле пултаруллă та хастар вĕсем! Тĕлĕнсе пĕтерейместĕн. Ĕçре те, килте те ĕлкĕреççĕ, таçта та çитеççĕ, темĕн те пĕлеççĕ. Ватăлма та, кулянса ларма та вăхăт çук маттурсен. Теприсем шалт! тĕлĕнтереççĕ. Çук-çук, кахаллипе, тирпейсĕррипе мар - чунĕсем нишленнипе: йăх-несĕлĕн кун-çулĕпе пачах кăсăкланманнипе, асатте-асаннене хисепе хуманнипе...

Ĕнер çеç пулса иртнĕ пекчĕ, анчах та Хĕллехи Олимпиада уçăлнăранпа çулталăк иртрĕ. Çавăнтанпах Сочи пирĕн çĕршывшăн уйрăммăн палăрса юлать, чĕресенче ĕмĕрлĕх çырăнать. Раççей чи вăйлă çĕршыв иккенне тепĕр хут çирĕплетрĕ спорт уявĕ. Пирĕн Олимп чемпионĕсем 33 медаль çĕнсе илсе пĕтĕмĕшле рейтингра чи маттуррисем пулчĕç. Паралимпиадăна хутшăнакансем те вĕсенчен юлмарĕç.

Мĕнле кăна амăшĕ çук-ши çак тĕнчере? Пĕрисемшĕн тăван тĕпренчĕкĕсем те ытлашши. Теприсем ют пепкене хăйсен çунатти айне илсе юрату, ăшăлăх парнелеме, ăна телейлĕ тăвассишĕн темĕн те тума хатĕр.

Юлашки вăхăтра çынсене пĕр-пĕринпе паллаштармалли кĕтес уçас ĕмĕт пуçран кайма пĕлмест. Манран чаплă евчĕ пулас пек туйăнать. Юлташсем те çавнах калаççĕ. Ăнăçать теççĕ. Ара, кун пек шухăшлама сăлтавĕ те пурах. Ахальтен кам сÿпĕлтетет? Кама паллаштаратăп - пурин те пурнăçĕ лайăхланать. Уйрăлакансем пулман-ха.