Archive - 3 Ака, 2020 - Хыпар

*"Хыпар" хаçатăн "Тĕп тема: наци проекчĕсем" социаллă проекчĕ

*"Хыпар" хаçатăн "Мухтавлă 100 ентеш" социаллă проекчĕ

Канаш хули те, унти спорт учрежденийĕсем те, ку сферăра ĕçлекенсем те Спорт министерстви ирттернĕ смотр-конкурссенче пĕрре мар палăрнă. Вырăнти спортсменсемпе командăсем те тĕрлĕ ăмăртура медальсемпе савăнтараççĕ. Ведомство отчечĕсенче Канашсене яланах ырă сăмахпа хавхалантараççĕ. Çак çитĕнӳсенче хула администрацийĕн физкультурăпа спорт пайĕн пуçлăхĕн Искандер Мингалеевăн тӳпи те пур.

Василий Александрова Çĕнтерӳ кунĕччен пĕр эрне юлсан амантнă

Хĕвел анăç Украина, Польша, Германи... Çак çулпа утса Василий Александров Берлина çитнĕ. Нимĕç фашисчĕсем ярса илнĕ ял-хулана ирĕке кăларассишĕн пынă çапăçусенче паттăрлăхпа харсăрлăх кăтартнăшăн Хĕрлĕ Ялав, I степень Тăван çĕршыв вăрçин икĕ хутчен орденĕсене, «Берлина илнĕшĕн», «Германие çĕнтернĕшĕн» тата ытти медале тивĕçнĕ.

Аса илӳсем сарăхмаççĕ

Коронавирус тĕнчипех сарăлнăран халĕ Раççейре те çирĕп мерăсем йышăнаççĕ. Çапла, вăл пурин пурнăçне те улшăнусем кĕртрĕ. Халăха пуçтарса культура, спорт, кану мероприятийĕсем ирттерме пуш уйăхĕн 18-мĕшĕнчех чарчĕç. Килте ларасси те çăмăлах мар иккен. Юрăçсемпе артистсем, сцена çинче, куракансен хушшинче пурăнма хăнăхнăскерсем, çак тапхăра мĕнле тӳссе ирттереççĕ-ши?

Мăн Сĕнтĕр райповĕ кăтартусене лайăхлатсах пырать

Мăн Сĕнтĕр райповĕ халăх ыйтăвĕсене туллин тивĕçтерес, чи малтан ял çыннисен пурнăçне çăмăллатас тĕллевпе ăнăçлă ĕçлесе пырать. Вăл Муркаш районĕн аталанăвне пысăк тӳпе хывать. Кăçал 100 çул тултаракан Чăвашпотребсоюзăн çеç мар, Раççей Центросоюзĕн потребительсен обществисен хушшинче те чылай кăтартупа малти вырăнсене йышăнать.

Халăх ыйтнине тивĕçтереççĕ

Çĕршывăн Тĕп саккунĕ — Конституци — пирки çынсен шухăшĕпе малалла паллаштаратпăр.

Надежда СКВОРЦОВА, аптека сечĕн заведующийĕ:

Конституци çĕршывăн Тĕп саккунĕ пулнине кашниех пĕлетпĕр. Анчах та вăхăт иртнĕçемĕн пурнăç та улшăнать, Тĕп саккуна та çĕнĕлĕхсем кĕртме тивет. Çакăн пирки вулаканăмăрсен кăмăлне пĕлес килет. Мĕн шухăшлаççĕ вĕсем патшалăх, общество йĕркин принципĕсем, кашни гражданинăн ирĕкĕ пирки?

Василиса АРХИПОВА, Чăваш Республикинчи хĕрарăмсен союзĕн Элĕк районĕнчи уйрăмĕн ертӳçи:

РФ Конституцийĕнче медицина сферинчи улшăнусем икĕ самантпа çыхăннă. Раççейре пурăнакан кашни çыннах çӳллĕ шайри пахалăхлă медицина пулăшăвне тӳлевсĕр илме тивĕç. Раççей гражданинĕн, вăл кирек ăçта пурăнсан та /хулара-и е ялта-и/, пахалăхлă медицина пулăшăвне илме ирĕк пур. Влаç органĕсем çынсене тивĕçлĕ сиплевпе тивĕçтерменни çĕршывăн Тĕп Саккунне пăснипе танлашать. Тӳлевсĕр медицина пулăшăвĕ парасси ыйтусем кăларса тăратмасть, анчах аякри ялсенчи çынсене пахалăхлă медицина пулăшăвĕпе тивĕçтересси нумай шухăшлаттарать.