Archive - 25 Раштав, 2015 - Хыпар

2015 çулхи кăрлач-чÿк уйăхĕсенче Патăрьел районĕнчи халăха ĕçпе тивĕçтерекен центра пулăшу илес тĕллевпе 1339 /е иртнĕ çулхи çав вăхăтринчен 31 сахалрах/ çын пынă. Ĕçсĕрлĕх статусне 233-ĕн е çав йышăн 17,4 проценчфĕ илнĕ.

Ултавпа мала тухакансене тăрă шыв çине кăларнă

Чăваш Ен Пуçлăхĕн мăшăрне Лариса Игнатьевăна республикăри Хĕрарăмсен союзĕ урлă пĕлетĕп. Ун ĕçне хастар хутшăнать вăл. Çак союзăн правлени членĕ пулнă май, пĕрре кăна мар курнă Лариса Юрьевнăна, сăпайлăхĕнчен тĕлĕннĕ... Вулаканăмăрсене тахçанах ун çинчен тĕплĕнрех каласа кăтартас килетчĕ.

«Литературная газета» страницинчен касса илнĕ сăнÿкерчĕк, Хветĕр Уяр парнеленĕ кĕнекерен сиксе тухнăскер, асăмра юлнă: акăлчан литературин классикĕ Сомерсет Моэм ирех тăнă та /килти халатпа/, календарь çине пăхса «тата тепĕр çуралнă кун çитрĕ-им-ха ĕнтĕ, мур илесшĕ» тет. Пăхсан, çынна пурăнса йăлăхтарнă тейĕн. Çав кун 91 çул тултарнă титан часах çĕре кĕнине пĕлтĕм кăштахран.

Паянхи ÿсĕмсем пирки калаçнă май Чăвашпотребсоюзра яланах ветерансене тав туса аса илеççĕ. Шăпах вĕсем тăрăшнипе ĕнтĕ потребкооперацире пуян пурлăх-техника базине йĕркеленĕ, йăласене упраса хăварнă.

Пушарсемпе çыхăннă лару-тăру, пиротехникăна туяннă чухне мĕн шута илмелли, Çĕнĕ çулпа çыхăннă уяв кунĕсенчи асăрханулăх - шăпах çак ыйтусем тĕп вырăнта пулчĕç Раççей МЧСĕн Чăваш Республикинчи тĕп управленийĕн пуçлăхĕ Станислав Антонов генерал-майор ирттернĕ пресс-конференцире.