Архив - 2015 - Çамрăксен хаçачĕ

Совет тапхăрĕнче ÿкернĕ ырăпа усала уйăрма, аслисене хисеплеме вĕрентекен мультфильмсене курса ÿснисем телейлĕ. Акă халĕ те, çав ÿсĕмрен тухнă пулин те, унти хаваслă, ăшă чунлă сăнарсем шăрантаракан юрă сăмахĕсене астăватăп. Тĕрĕссипе, ача чухне "Антошка", "Чунга-Чанга" юрăсен авторĕ кам пулнипе интересленсех те кайман. Çав вăхăтра мультфильмри сăнарсем хăйсемех юрланăн туйăнатчĕ. Çитĕннĕçемĕн ку аслисен пултарулăхĕ иккенне ăнланатăн.

Ĕнер Чăваш Республикин Пуçлăхĕ Михаил Игнатьев журналистсемпе тĕл пулчĕ. Йăлана кĕнĕ пекех, массăллă информаци хатĕрĕсенче ĕçлекенсен ыйтăвĕсене хуравларĕ, юлашки вăхăтра тунă ĕçсем çинчен каласа кăтартрĕ.

Мартăн 12-мĕшĕнче ЧР Вĕрентÿ, Шалти ĕçсен, Сывлăх сыхлав, Спорт министерствисен, район-хула администрацийĕсен ĕçченĕсем тĕп хулара иртнĕ ларура çул çитмен ачасен саккунсăр ĕçĕсемпе тата вĕсен прависене хÿтĕлессипе çыхăннă ыйтусем тавра калаçрĕç.

Хамăн ĕçе юратман пулсан çĕр хута ниçта та тухса каймăттăм. Ирех, каçхи вунă сехет çитичченех, вырăн ăшне чăмма хăнăхнăскер... эрнекун дискотекăна кайма хатĕрлентĕм. Тĕрĕссипе, ташласа савăнас тесе мар /вăл вăхăт маншăн тахçанах иртнĕ ĕнтĕ/ паянхи çамрăксем мĕнле каннине пĕлме. Манпа пĕрле Василий Кузьмин фотокорреспондент пыма килĕшрĕ. Ăна хăйĕнчен 10 çул аслă хĕрарăмпа юнашар утма кăмăллах мар пулĕ те... Вăл та хăйĕн ĕçне юратать çав, служба заданийĕнчен пăрăнмарĕ.

Ял çамрăкĕсен кăмăлланă вырăнĕ

"ЧР тава тивĕçлĕ артисчĕ" ятăн паллине халăхра ят-сум çĕнсе илнĕ артистăн кăкăрĕ çине çакнă май республика Президенчĕ пÿлĕмре ларакансем еннелле çаврăннă та: "Манпа килĕшетĕр пуль: Сергей ПАВЛОВ - хăй тĕллĕн аталаннă талант", - тесе ыйтуллăн тинкернĕ.

Пурăннă пулсан Альпăрт КАНАШ 87 çултаччĕ паян. Çамрăк поэтсене хăйĕн паха опытне пиллесе, сăвă çырас ăсталăха вĕрентсе хăвармалли çынччĕ вăл.

«Ирĕклĕ юрату». Пирĕн пурнăçа кĕчĕ вăл. Пĕли-пĕлми çынпа савăшни, харăсах темиçе еркĕнпе «пурăнни» çинчен час-часах илтетпĕр. Унăн çимĕçĕ - венери чирĕсем. Çапла, кирек мĕнле киленÿшĕн те, йăнăш утăмшăн та тÿлеме тивет. Кунашкал тĕслĕхсенче - сывлăха хур кăтартнипе.

«Хыпар» Издательство çурчĕн ĕçченĕсем Трак тăрăхĕнче «Капкăн» журнала юратнине тепĕр хут курса ĕненчĕç. Мартăн 17-мĕшĕнче Пикшикри культура çуртне сатирăпа юмор журналĕн тусĕсем чылаййăн пухăнчĕç.

Шупашкар районĕнчи Чантăрта пурăнакан Федоровсен çемйинче пĕрин хыççăн тепри 10 ача кун çути курнă. Ашшĕпе амăшĕ кашнине тĕрĕс воспитани пама, аслисене хисеплеме вĕрентнĕ. Вĕсен ывăл-хĕрĕ тĕрлĕ енлĕн аталанма тăрăшнă. Халĕ аслисем йăваран вĕçсе тухнă, тĕрлĕ çĕрте вăй хураççĕ.

Февралĕн 21-мĕшĕ, Пĕтĕм тĕнчери тăван чĕлхе кунĕ, хыçра ĕнтĕ. Апрелĕн 25-мĕшĕччен, Чăваш чĕлхи кунĕччен, вăхăт самай. Çапах манăн паян атте-анне чĕлхипе çыхăннă ыйтусенех хускатас килет. Мĕншĕн? Сăлтавĕ çук мар. ЮНЕСКО тĕпчевçисем чăваш чĕлхине пĕтсе пыраканнисен йышне кĕртнĕренпе ултă çул хыçа юлчĕ.