Архив - 13 Авг, 2015 - Çамрăксен хаçачĕ

“Çамрăксен хаçачĕн” редакцине Раççей шайĕнче чысларĕç

Леонид ВОЛКОВ: “Ĕмĕр тăршшĕпех вĕренмелле - пуç усни вырăнсăр”

Улталамасан сутуçăн ыйхă та килмест-ши? Пирĕн рейд

Çул çинчи иномарка. Хаçатра çырнă хыççăн

Икĕ хусах хĕл каçакан ялта

Командир сутнине пула тыткăна çакланнă

Çĕршыври регионсенче тухса тăракан 10 пичет кăларăмĕ кăна 2015 çулăн иккĕмĕш çурри валли вулакансен йышне хушма пултарнă. Вĕсенчен виççĕшĕ /!/ - Чăваш Республикинче пичетленекен кăларăмсем. Вĕсенчен пĕри, - "Çамрăксен хаçачĕ". Унсăр пуçне "Хыпар" Издательство çурчĕн "Хресчен сасси" хаçачĕпе "Тăван Атăл" журналĕ те çак наградăна тивĕçрĕç.

Кунта кунĕпех çын хĕвĕшет. Пĕрисем илеççĕ, теприсем сутаççĕ... Сентресем çинче мĕнле кăна тавар çук-ши? Куç умне чи хитрисене кăларса хунă та ÿкерчĕк çинчи пекех астараççĕ. Акă эпир, хаçат корреспонденчĕсем, унта та кунта темĕн шыраса утакан халăхпа пĕрлешсе кайрăмăр. Тавçăртăр пулĕ - эпир пасарта.

Августăн 6-мĕшĕнчи "Юратупа наркăмăшри" "Савнă хĕр чĕкеç пек" çырупа паллашсан алла ручка тытмасăр чăтаймарăм. Çав çыру авторĕпе хирĕç ларса калаçас, чуна уçас килчĕ. Унăн кÿренĕвне питĕ аван туятăп. Хам та çавăн пек лару-тăрăва лексе курнăран çыру авторĕпе пĕрле пулнăнах кулянтăм. Анчах манпа пачах тепĕр май - этемлĕхĕн вăйлă çуррипе çапла пулса тухрĕ...

Журналистсене ури ăçта кăна илсе çитермест-ши, мĕн кăна кăтартмасть-ши? Нумаях пулмасть вăл пире Çĕрпÿ районĕнчи Çĕнĕ Акчурана çитерчĕ. Тĕлĕнмелле ял. Кăнартан инçех те мар вырнаçнăскере çăтмахпа та танлаштарма пулать. Ялăн пĕр енче вăрман кашлать, унта кăмпа та, çырла та туллиех. Урам варринчех пĕве илемĕпе илĕртет. Кил-çурт умĕсем таса, тирпейлĕ. Кунта мулкачсемпе тилĕсене те курма пулать. Анчах Çĕнĕ Акчурара икĕ хусах çеç хĕл каçать. Ахăртнех, çакă ял пурнăç аталанăвĕнчен юлнипе çыхăннă. Унта çутçанталăк газĕ те çитмен, шыв пăрăхĕ те хуман. Яла асфальт çул мар, сукмак çеç илсе çитерет.

Мĕнле чăтнă-ши? Епле вилмен-ши?.. Вăрçă тамăкĕ витĕр тухнă кашни çыннах хăйне çак ыйтусене парать-тĕр. Шупашкар районĕнчи Ишлейри Екатерина Соловьева та тăшман концлагерĕнче икĕ çул асапланнă хыççăн 92 çулччен пурăнмашкăн хевти епле çитнинчен тĕлĕнет.

Статья çырас тĕллевпе политикпа калаçасси артистран е юрăçран интервью илесси мар. Влаç тытăмĕнче ĕçлекенсене чуна уçса калаçтарма питĕ хĕн.