Архив - Мар 2015 - Хресчен сасси

март 27th

Помидор вăрри акса ĕлкĕреймен-и? Ан пăшăрханăр, «кая юлнисем» валли хăвăрт пулакан томат ушкăнĕ пур, вĕсене апрель варринче те акма юрать: Дружок F1, Леопольд F1, Семечко-Синбад F1, Ля-ля-фа F1 гибридсем; Рыжик, Ракета, Гаврош, Аляска сортсем. Пахчана куçарса лартнă тĕле /июнĕн пĕрремĕш çурри/ калча çирĕпленсе ĕлкĕрет, чи кирли вара - ытлашши ÿссе каймасть. Çав вăхăта унăн 5-6 çулçă, çирĕп туна, пирвайхи чечек папки те пулать. Кунашкал калча куçарса лартнине те çăмăллăн чăтса ирттерет.

Çăра юн пĕчĕкçĕ юн тымарĕсене лексе ăна кислородпа тата тутлăхлă япаласемпе тивĕçтереймест. Халăх медицининче юна шĕветме темиçе тĕрлĕ рецепт пур.

• 2 стакан пыл, 1 стакан вĕтетнĕ укроп вăрри, 2 кашăк чухлĕ авăртнă валериан тымарĕ илсе хутăштармалла. Çакна пĕтĕмпех тин вĕретнĕ 2 л шыва ярса пĕр талăк термосра тытмалла. Кайран сăрăхтармалла. Пĕр уйăх таран апат умĕн çур сехет маларах пĕрер кашăк ĕçмелле.

– Мăнкун умĕн пÿрт çăвассине кам шутласа кăларнă-ши? Халĕ тирпейлĕ пурăнатпăр та, кашни çулах тăвас килмест çакна.

Игнатий атте (СУРАНОВ) Муркаш районĕнчи Мăн Сĕнтĕр чиркĕвĕн настоятелĕ хуравлать:

март 25th

Апрель уйăхĕ çитмен-ха, анчах Çĕнĕахпӳртсем /Патăрьел районĕ/ çĕр ĕçне паян-ыран пуçăнма хатĕррипе тăпăртатса тăраççĕ. Килти пахчасенче юр кайса пĕтнĕпе пĕрех. Уй-хир те вăрах кĕттермĕ. Севок сухан лартма вăхăт çитĕ. Ăна Çĕнĕ Ахпӳрт ялĕнче килсерен тенĕн ӳстереççĕ.

Ирина Никитина

Наркотиксемпе кĕрешекен комиссин черетлĕ ларăвĕнче Чăваш Ен Пуçлăхĕ Михаил Игнатьев пирĕн республикăра юлашки çулсенче наркоманипе чирлисен шучĕ чакса пынине палăртнă. Ку енĕпе федерацин Атăлçи округĕнче те, пĕтĕмĕшле Раççейре те эпир лайăхрах кăтартусемпе палăрса тăратпăр. Наркотикпа çыхăннă преступленисене туллин уçса пама тăрăшни, сывă пурнăç йĕркине анлăн сарни, спорта аталантарни, ытти йышши профилактика тата сиплев майĕсем кирлĕ ĕçре пулăшаççĕ. Анчах çивĕч ыйту тата тăрăшуллăрах пулма хистет.

Ял çĕрĕ тăрантарнă

- Хаçатра çакна вуланăччĕ: колорадо нăррине пуçтармалла, вĕтетсе тÿмелле, комбикормпа хутăштарса цесаркăсене çитермелле. Çакăн хыççăн вĕсем хăйсемех усал нăрăсене çиме тухĕç имĕш. Çавăнпа усрама пуçларăм цесаркăсене. Хальлĕхе çак кайăксем нăрăсем патне туртăннине курмастăп, анчах чăх, хур-кăвакал чĕпписене хурчкасенчен сыхлама пулăшаççĕ. Хальччен лешсем кил картине вĕçсе анса пĕчĕкскерсене туххăмрах çаклатса каятчĕç. Цесаркăсем хăйсен сассипе хăратма тытăннăранпа чĕпсем çухалма пăрахрĕç, - ăнлантарать мана ăшпиллĕ хĕрарăм.

Ирина Никитина

Çурхи уй-хир ĕçĕсене хатĕрленсе ирттерессипе çыхăннă семинар-канашлăва кăçал Вăрнар районĕнче йĕркеленĕ. Унта хутшăннисем малтанах Вăрнарти аш-какай комбиначĕн Малтикас Ялтăра ялĕнчи сĕт-çу фермипе паллашнă. Кунта 1100 ĕне тăрать. Республикăра кунашкал пысăк сĕт-çу ферми урăх çук.

Пĕр вăхăтра 40 ĕне сăвăнать. Вĕсене сăвакан операторсем çĕнĕ йышши техникăна алла илнĕ. Унсăрăн май та çук, мĕншĕн тесен ĕне сумалли пÿлĕмре автоматикăпа ĕçлекен хатĕрсем вырнаçтарнă, электрон программăсемпе усă кураççĕ.

Страницы