Шупашкарта çĕрулми куравĕнче пултăм. Вăрлăхлăх «Беллароза», «Чайка», «Рябинушка», «Гала» сортсем туянтăм. Вĕсем çинчен кĕскен те пулин каласа параймăр-ши?
Михаил Разумов. Елчĕк районĕ, Тускел ялĕ.
Иртнĕ çул хăяр йăтăнса пулнăччĕ. Ниçта хума çуккипе питĕ нумай тăварларăм. Хамăр вара хĕл каçипе те темиçе банка кăна пушатрăмăр. Уксуспа тăварланă хăяра пĕтĕ ĕнене çитерме юрать-и? Ĕне июнь уйăхĕнче пăруламалла.
Нина Ильина. Сĕнтĕрвăрри районĕ, Этнескер.
Иртнĕ çул пасартан пăрçа туянтăм. Ак хайхи, шăтăклă-шăтăклă. Акрăм, анчах шăтса тухмарĕ. Вăл пăрçа манăн тата пур. Мĕн тума сĕнетĕр?
Иван Краснов. Шупашкар.
Виççĕмĕш çула кайрĕ Аркадий Павлович Айдак пиртен уйрăлса кайни. Чăвашра кăна мар, çĕршывра та унашкал çын урăх пулман теççĕ. Тарăн варсемпе çырмасенчен чăн-чăн пуянлăх туса хунă вăл. Айдак ертсе пынипе Етĕрне районĕнчи «Ленинская искра» хуçалăхра 64 пĕве пĕвеленĕ, 276 гектар çинче йывăç лартнă.
«Хресчен сасси - Кил» хаçата чунтан юратса вулатăп. Тавах пархатарлă ĕçĕршĕн.
Манăн мăнук хăр тăлăх. 2013 çулта вăл салтака кайрĕ. Муркаш районĕн çар командирĕ тăлăх ачана уйăхсерен укçа куçарса тăрасса шантарнăччĕ. Çулталăкран мăнукăм салтакран таврăнчĕ, анчах ăна пĕр пус та тÿлемен. Вĕçне-хĕрне мĕнле тухмалла-ши?
Роза Савельева.
Элĕк районĕ, Мăн Ямаш ялĕ.
СУРСКИЙ РУБЕЖСКИЙ
Чăвашла верси
Русская версия
