Архив - 15 Июн, 2016

РФ Президенчĕн хушăвĕпе çĕртме уйăхĕн 14-мĕшĕнче Шупашкарта РФ Хăрушсăрлăх Канашĕн Секретарĕн Николай Патрушевăн тата Раççей Президенчĕн федерацин Атăлçи округĕнчи полномочиллĕ представителĕн Михаил Бабичăн пĕрлехи канашлăвĕ иртнĕ.

Правительство çуртĕнче эрне пуçламăшĕнче ЧР Пуçлăхĕ Михаил Игнатьев ертсе пынипе ирттерекен канашлура тăватă ыйту пăхса тухрĕç.

РФ Хăрушсăрлăх Канашĕн Секретарĕ Николай Патрушевпа РФ Президенчĕн Атăлçи округĕнчи полномочиллĕ представителĕ Михаил Бабич Шупашкарта патшалăх органĕсене хăрушсăрлăх информацийĕпе тата производство каяшĕпе усă курнă чухне экологи хăрушсăрлăхĕпе тивĕçтерес ыйтусемпе ирттерекен пĕрлехи канашлăва епле хатĕрленни çинчен ЧР Министрсен Кабинечĕн Председателĕн заместителĕ — ЧР Пуçлăхĕн Администрацийĕн ертÿçи Юрий Васильев каласа пачĕ.

Çĕртме уйăхĕн 12-мĕшĕнче республикăра Раççей кунне халалласа савăнăçлă уяв мероприятийĕсем иртнĕ. Акă Шупашкар хулинчи Хĕрлĕ тÿреме Тăван çĕршыва юратнине палăртса 5,5 пин ытла çын килнĕ.

Тÿрĕ кăмăллă, сăпайлă та ĕçчен пулнипе палăрать вăл. Купăсне тăсса ярсан вара ташламасăр, юрламасăр никам та тÿссе тăраймасть. Ăна ялти кашни туя, уява купăс калама чĕнеççĕ. Нихăçан та турткаланса тăмасть вăл, ялти пултарулăх ушкăнне те çÿрет.

Спорт ориентировки — хăйнеевĕрлĕ спорт. Унпа кăсăкланаканăн тренировкăра ăсталăха туптама та вăхăт тупмалла, ăмăртусене хутшăнма та ĕлкĕрмелле, ятарлă карттăсем тума та ăста пулмалла, çав вăхăтрах хăй мĕн пĕлнине çамрăксене вĕрентмелле.

Вăрмарти историпе таврапĕлÿ музейĕ çумĕнчи «Тăван ен — тăван кил» клуб хастарĕсем иртнĕ çул вулакансене темиçе кĕнеке парнелерĕç. Вĕсен хушшинче Иван Криковăн «На линии огня» кĕнеки хăйнеевĕрлĕ, пуян тытăмлă пулса тухнă. Çĕнĕ кăларăм вут-çулăмпа кĕрешекенсен паттăрлăхне сăнлать.

2012 çулта Нелли Петровскаян «Тухатмăш» романĕ пичетленсе тухсан кĕнеке вулама юратакансем ăна библиотекăсенче черет йышăнса кăсăкланса вулани халь те манăçман-ха. Чуна тыткăнлакан ĕçсем пулса иртеççĕ хайлавра. Çак кунсенче вара Чăваш кĕнеке издательствинче романăн иккĕмĕш кĕнеки кун çути курчĕ. Çакă чăннипех те кĕтменлĕх пулчĕ, мĕншĕн тесен 2012 çулта тухнă кĕнекере ку çыравçăн юлашки романĕ тесе палăртнăччĕ. Иккен, çыравçă тăванĕсем «Тухатмăш» романăн иккĕмĕш кĕнекин алçырăвне нумаях пулмасть кăна асăрханă килти архивра.

2012 çулта пурнăçа кĕртме пуçланă «Земство тухтăрĕ» программа кăçал та вăйне çухатман. Тăватă çулта пирĕн республикăра унта 278 спе­­циалист хутшăннă, вĕсенчен 39-шĕ — пĕлтĕр.

Ялта çынсене сиплеме кăмăл тунисен йышĕнче: терапевтсем, стоматологсем, пĕтĕмĕшле практика офисĕн врачĕсем, педиатрсем, хирургсем, акушер-гинекологсем. Асăннă проекта пурнăçланă тапхăрта — 2012-2015 çулсенче — земство тухтăрĕсене Канаш /45 специалист/, Патăрьел /37/, Муркаш /27/, Шупашкар /24/ районĕсенче нумай йышăннă.

Чăваш Ен Пуçлăхĕ Михаил Игнатьев çĕртме уйăхĕн 9-мĕшĕнче Республикăри офтальмологин клиника больници 35 çул тултарнине халалласа К.В.Иванов ячĕллĕ Чăваш патшалăх академи драма театрĕнче ирттернĕ савăнăçлă мероприятие хутшăннă.