Архив - 25 Июн, 2016

Республика кунне ирттермешкĕн кăçал Элĕксем тивĕç пулчĕç. Паллах, хăйсен ырă ĕçĕсемпе тата çитĕнĕвĕсемпе çĕнсе илчĕç çак чыса. Хăнасене йышăнмашкăн тĕплĕн хатĕрленчĕç: салана хăтлăх, тирпей-илем кĕртрĕç.

Раççей атлечĕсем Рио-де-Жанейрона каяс тĕллевлĕ

РФ национальноçсен ĕçĕсен агентстви регионсенчи 31 чĕлхепе тухакан массăллă информаци хатĕрĕсен чи лайăх кăларăмĕсемпе информаци ресурсĕсене палăртнă.

Çĕртме уйăхĕн 23-мĕшĕнче чăваш халăхне çутта кăларнă Иван Яковлевич Яковлев палăкĕ умĕнче митинг иртрĕ.

Чăваш патшалăх оперăпа балет театрĕнче "Раççей регионĕсем — çитĕнĕвĕн çĕнĕ хутлăхĕсем" IX Шупашкар экономика форумĕ иртнĕ.

Малтан ЧР Пуçлăхне Михаил Игнатьева сăмах пачĕç. Вăл регионсен экономикинчи çивĕч ыйтусене сÿтсе явма Шупашкара килме кăмăл тунăшăн ĕçлĕ апатланăва хутшăнакансене тав турĕ, "çавра сĕтелсенче" ăнăçлă ĕçлеме ырă сунчĕ.

Эпир, хаçат ĕçченĕсем, кашни эрнере тенĕ пекех республикăн тĕрлĕ кĕтесне çитетпĕр, çынсен шухăш-кăмăлĕпе кăсăкланатпăр. Пирĕн, паллах, «Чăваш хĕрарăмĕ» хаçата çырăнса илекенсен йышне пысăклатас килет. Çавăнпах тĕрлĕ ÿсĕмри çынсемпе сăмах пуçаратпăр. Нумаях пулмасть çамрăк амăшĕпе паллашма тÿр килчĕ. Хăйне хаçат-журнал кирлĕ маррине тÿрех палăртрĕ вăл. «Ачасен те вулама вăхăт çук. Вĕсене компьютер та, телевизор та илсе панă. Тĕрлĕ кăларăм курччăр, вăйă выляччăр», — тет хайхискер. Компьютер вăййи е пĕр-пĕр сериал пепкене аталанма пулăшать-и?

Çĕртме уйăхĕн 23-мĕшĕнче Пĕтĕм Раççейри «Руç ăстисем» конкурс 14-мĕш хут уçăлчĕ. Пирĕн тăрăха çĕршывăн 19 республикинчен тата облаçĕнчен 34 маçтăр килсе çитнĕ. Унсăр пуçне Чăваш Енри 20 ăста хăйĕн пултарулăхĕпе паллаштарма кăмăл тунă.

Кĕçнерникун Шупашкарта, «Экспо-Контур» суту-илÿпе курав комплексĕнче, «Регионсем — чикĕсĕр ĕçтешлĕх» курав уçăлчĕ. Ăна кăçал Ĕç çыннин çулталăкне халалланă.