Аслă типĕ организмшăн уйрăмах йывăр вăхăтра иртет. Çуркунне тĕлне витаминсен çитменлĕхĕ аталаннипе организмăн хăйĕн пĕтĕм ĕçне улăштарма тивет. Çавăнпа ăна асăннă тапхăрта сиенлес мар тата типĕ вăхăчĕпе сывлăха лайăхлатма усă курас тесен апатланăва тĕплĕ шухăшласа йĕркелемелле. Чиркÿ уставĕн типĕ тытассипе çыхăннă йĕркине çирĕп пурнăçлаймасан та чи пĕлтерĕшли — чунпа тасаласси — тĕп вырăнта пултăр.
Лимон — тĕлĕнмелле паха ӳсен-тăран. Унпа тĕрлĕ чиртен сипленнĕ чухне анлă усă кураççĕ. Ăна çулталăкăн кирек хăш тапхăрĕнче те туянма пулать, çавăнпа лимонпа сипленес тесен чăрмав çук. Çак рецептсенчен хăвăра кирлине суйласа илме пултаратăр.
Ачасем чипс, газлă шĕвек, илĕртӳллĕ ытти çимĕç патĕнчен туянса пама тилмĕрмесĕр иртеймеççĕ. Ашшĕ-амăшĕ, паллах, ачин кăмăлне хуçасшăн мар. Анчах çак çимĕçсем организма сиен кӳме пултараççĕ. Ачана вĕсене çитериччен асăрханулăх пирки аса илни вырăнлăрах пулĕ.
Ача таврашĕнчи чылай япалан хăйĕн виçи пур: сахал чухне — усăллă, ытлашши пулсан — сиенлĕ. Йĕркипе пăхса тухар-ха.
Ĕмкĕч ыйтăвĕ
Пепкен ĕммелли рефлексĕ хăрушсăрлăх тата хăтлăх туйăмĕпе тачă çыхăннă. Анчах çулталăк тултарнă тĕле ачан аталанăвĕ ăна хăйĕн туйăмĕсене кăткăсрах, витĕмлĕрех мелсемпе йĕркелеме май парать.
Ача пĕчĕк чухне кăна мар, çитĕнерехпе те чĕрне кăшлани нерв хăнăхăвĕсен шутне кĕрет. Ку — стреслă лару-тăрура хăйне лăплантармалли меслет. Ачана пăлхантаракан сăлтава палăртмалла. Тен, эсир унран ытлашши çирĕп ыйтатăр, тен, çемьери хутшăнусем лăпкă мар, е тепĕр ача çуралнă, е шкулта пурте йĕркеллех мар, е ача компьютер умĕнче ытла нумай ларать...
Çут çанталăкри пекех хĕвел ака уйăхĕнче этеме çапла асăрхаттарать: “Ан çывăр, кирлĕ ĕçе тытăн”. Шухăшласа-ĕмĕтленсе пурăнса çитет, вăй хурса ĕçлеме вăхăт. Кил-çурта çÿп-çапран, кивĕ çи-пуçпа атă-пушмакран тасатăр. Автомобиле техника тĕрĕслевĕ витĕр кăларăр. Укçа-тенкĕ кирлĕ пулсан ака уйăхĕн пуçламăшĕ — тахçан панă кивçене каялла ыйтма уйрăмах меллĕ тапхăр.
Çуркунне çитсен нумайăшне ейÿ тапхăрĕ мĕнле иртсе каясси шухăшлаттарать, уйрăмах — юханшыв, пĕве-кÿлĕ çывăхĕнче пурăнакансене. Шыв çыранран тухса пахчасене çитни тухăçа ÿстерме пулăшать теççĕ-ха, çапах çав хушăрах вăл пурлăха пысăк сиен кÿме те пултарать. Çакна шута илсех ĕнтĕ çурхи шыв-шур тапхăрне республика ертÿлĕхĕ те, МЧС ĕçченĕсем те тĕрĕслесех тăраççĕ.
«Депутат — халăх тарçи» теме хăнăхнă эпир. Çак каларăшăн пĕлтерĕшĕ питех те анлă. Чи сумлă, халăхăн ĕмĕт-тĕллевне тÿрре кăларма пултаракан çынсене шанса паратпăр эпир депутат мандатне.
Районти «Хĕрлĕ ялав» хаçат редакторĕн заместителĕнче нумай çул ĕçленĕ май кашни ялах темиçе хут çитнĕ, çынсемпе курса калаçнă. Çавăнпа ял тăрăхĕсен тата район Пухăвĕн депутачĕсене нумайăшне лайăх пĕлетĕп. Тÿрех каламалла: вĕсенчен чылайăшĕ сумлă çак ята чăннипех те тивĕçлĕ. Пуçаруллă пулнипе, пархатарлă ĕçсем тунипе палăрса тăраççĕ.