Архив - Апр 2016

Çут çанталăка сыхлас, шкул ачисене пĕчĕкрен ăна упрама вĕрентес тĕллевпе республикăра та, Раççейре те тĕрлĕ конкурс ирттереççĕ.

Ишес енĕпе Раççейре мала тухассишĕн тата Пĕтĕм Раççейри «Савăнăçлă дельфин» тупăшусене хутшăнма чи пултаруллă спортсменсене тупса палăртас тĕллевпе Çĕнĕ Шупашкарта ăмăртусем иртнĕ. Вĕсене 300 яхăн спортсмен хутшăннă.

«Ачалăх ячĕпе, ачалăхшăн» ыркăмăллăх марафонĕ районта та вăй илсе пырать. Вырăнти культурăпа кану центрне ăна старт пама халăх йышлă пухăнчĕ. Ун хыççăнах вăл вăй илсе те сарăлса пычĕ.

Вăй-хала – хĕрÿ тапхăра

Ĕçе тытăнма хатĕр-и?

Ялта çерçи выçă вилмен

Çÿл ту çинчи çил арман

Аваллăхсăр малашлăх çук

Хунав туянасчĕ

Ӳркенмесĕр - 100 çула

Кун-çул тинĕсĕ тикĕс мар

Елчĕк районĕнчи хуçалăхсем çуракине хĕрсех хатĕрленеççĕ. Ку тăрăхри çĕрсем маларах пиçсе çитнипе ака-сухана та иртерех тухаççĕ.

Чăрмав пулмĕ

Кăçал çуракинче республикăра 580 пин гектар акса-лартса хăвармалла /2015 çулхин 101,1 проценчĕ/. Çурхи культурăсем 320, 6 пин гектар йышăнмалла /иртнĕ çулхи шайрах/. Лаптăксен 50,6 проценчĕ пĕрчĕллĕ тата пăрçа йышши культурăсем, 40,2 - выльăх апачĕ, 5,9 - çĕрулми, 2,4 - техника культури, 0,8-шĕ пахчаçимĕç пулĕ.

Елчĕк районĕнчи Таяпа Энтрири Петровсен пахчинче техника паркĕ тейĕн: тракторсем, груз турттармалли машина, комбайн, культиватор. Кунтах тырă склачĕ, пысăк цистернăсем. Вĕсенче çунтармалли-сĕрмелли материалсем упраççĕ иккен.

Çил арманне халĕ ялсенче курма май çук. Пулсан та аваллăх палăкĕ пек çеç упранса юлнă вăл. Хăй вăхăтĕнче вара çил арман ял çыннине тăрантарнă темелле. Çавăнпах ĕнтĕ ăна халăх пăрахăçлама шухăшламасть. Акă Улатăр районĕнчи Кивĕ Эйпеçсем аваллăх палăкне пурнăçа тавăрма шут тытнă.

Ялта музей пурри пĕлтерĕшлĕ. Шкул ачисемшĕн те, килен-каян хăнашăн та усăллă вăл. Сăмахран, пĕр-пĕр хайлав вуланă хыççăн çамрăк ăрăва ĕлĕкхи хатĕр-хĕтĕр пирки темиçе хут ăнлантариччен ăна куçпа курни асра юлатех.

Улатăр районĕнчи Кивĕ Эйпеçри вăтам шкулта та краеведени музейĕ пур. Ăна Надежда Махрова шкул директорĕ пуçарăвĕпе йĕркеленĕ. Экспонатсене пухма ватти-вĕтти пулăшнă. Надежда Ильинична каланă тăрăх - авалхи савăт-сапа, тумтир пуçтарас тĕллевпе ачасем пушă, кивĕ çуртсене те кĕре-кĕре тухнă. Çапла пĕрчĕн-пĕрчĕн пухăннă тупра.

Хисеплĕ «Хресчен сасси»! Пирĕн ыйтусене хуравланăшăн сире тав тăватпăр. Манăн та ыйту сиксе тухрĕ. Ватлăхра пахчаçимĕç лартма вăй-хал сахал. Ачасем хăнана килсен кучченеçпе савăнтарма шĕшкĕ лартасшăн. Шултра мăйăрлă пулакан хунава ăçтан тупма пулать-ши?

Анисия Гусева.

Канаш районĕ,

Кармами Выççăлкки ялĕ.