Архив - Авг 2015

Пурнăç йывăрлăхсемсĕр пулмасть. Пĕрисем вĕсене çĕнтерсе малалла талпăнаççĕ, теприсем айккине пăрăнма васкаççĕ, виççĕмĕшсен вара вĕсемпе кĕрешме вăй-хал çитмест. Сусăрсене тата та йывăртарах тивет. Çапах вĕсем пуç усмаççĕ, чи лайăххи пулма тăрăшаççĕ. Çакна вĕсем спорт аренине тухса хăйсен çитĕнĕвĕсемпе тĕлĕнтерсе те ĕнентереççĕ. Тинтерех çеç Чăваш Енре иртнĕ Пĕтĕм Раççейри инвалидсен спартакиади те ку тĕлĕшпе питĕ лайăх тĕслĕх пулса тăчĕ.

Ытти чух вуннăра пуçтарăнаканччĕ, Министрсен Кабинечĕн ĕнерхи ларăвĕ вара ирхине 8 сехетрех пуçланчĕ. Ку вăхăтра çапла пулмалла та пуль: ĕççи, суйлав умĕнхи тапхăр... Чăн та, ларăвăн кун йĕркине кĕртнĕ темăсенче çак çивĕчлĕх палăрмарĕ - кулленхи ыйтусем темелле...

Республика Пуçлăхĕн тата вырăнти хăйтытăмлăх органĕсен суйлавĕ умĕнхи кампани чи хĕрÿ тапхăра кĕчĕ. Халĕ - суйлав умĕнхи агитаци тапхăрĕ. Сасăлав - сентябрĕн 13-мĕшĕнче. Çак кун суйлавçăсен республика тилхепине кандидатсенчен хăшне шанса парассине палăртмалла, районсен, ял тăрăхĕсен вырăнти хăйтытăмлăх органĕсен йышне йĕркелемелле. Граждансен сасăлаври активлăхĕ мĕнлерех пулĕ - суйланакан çынсен ят-сумĕ те çакăнтан килет. Тата - суйлавпа çыхăннă саккунсене мĕнле пурнăçланинчен.

2014 çулхи мартăн 18-мĕшĕ пирĕн çĕршыв историне калама çук пысăк пĕлтерĕшлĕ пулăмпа çырăнса юлчĕ: Крым Республикипе Севастополь хули çĕнĕ субъектсен шучĕпе Раççей тытăмне кĕчĕç. Референдумра сасăлава хутшăннисен 96% яхăн хăйсен «тăван киле таврăнас килнине» палăртнă.

Халăх хавхаланăвĕ

Унтанпа çулталăк ытла иртрĕ. Крым халăхĕн кăмăл-туйăмĕ халĕ еплерех-ши? Пĕтĕм Раççейри халăх шухăшне тĕпчекен центр кăçалхи февралĕн 9-18-мĕшĕсенче Крымра ыйтăм ирттернĕ, унта 1600 çын хутшăннă.

Юлашки вăхăтра сывлăха упрасси çинчен калаçу пуçарнă май халăхра сывă пурнăç йĕркине сарасси пирки ытларах чарăнса тăратпăр. Чăваш Республикин Пуçлăхĕн Михаил Игнатьевăн Çырăвĕнче кашни çемьере сывă пурнăç йĕркине никĕслемешкĕн «Çемье сывлăхĕн профильне» хатĕрлесе хута ямалли çинчен каланă. Çырура палăртнине пурнăçласа ЧР Сывлăх сыхлавĕпе социаллă аталану министерстви информаци буклечĕ хатĕрленĕ. «Çемье сывлăхĕн профилĕ» ятпах пичетленĕ ăна. Мĕнре унăн усăлăхĕ?

1997 çул. Комсомольскинчи культура çурчĕ. Кунта, лăк тулли залра, «Тав» фирма хăйĕн партнерĕсене чыслать. Сцена çине республика влаçĕн элчисем черетленсе хăпарчĕç.

Кăçал Раççейре - Литература çулталăкĕ, Чăваш Республикинче К.В.Иванов çулталăкĕ пулнине шута хурса Чăваш наци музейĕнче «Çулсем-йĕрсем» чунçÿрев - пултарулăх десанчĕ йĕркеленчĕ. Чунçÿреве пĕр шухăшлă, пĕр кăмăллă чунташсем пуçтарăнчĕç.

Василий Чапаева халалланă скульптура, живопиç, графика произведенийĕ сахал мар. Вĕсене кам, хăçан кун çути кăтартнине пĕлес килет.

Ю.ТИХОНОВ.

Тăвай районĕ.

Пирĕн пурнăçра аттепе анне пысăк та пĕлтерĕшлĕ вырăн йышăнаççĕ. Ача мĕнлерех çын пулса ÿсесси ăна çуратса воспитани паракансенчен те нумай килет-çке. Акă Чăваш Республикин тава тивĕçлĕ художникĕ Петр Пупин хăй ÿкерме, скульптурăсем ăсталама юратнинче ашшĕн Степан Ивановичăн витĕмĕ те пур тесе шухăшлать.

Ветврач специальноçне суйласа илнĕшĕн ÿкĕнместĕп. Малтан Вăрнарти зооветтехникумра вĕрентĕм. Выльăха сиплеме Е.А.Андреева, Н.С.Семенова, Н.Р.Валеева-Осипова, Р.О.Осипов преподавательсем лайăх пĕлÿ пачĕç. Техникум пĕтерсен чылайăшĕ Хусанти ветеринари институтне кĕнĕ. Диплом илсен Л.П.Федотова-Петрова, В.И.Ильин тата эпĕ республикăн Ветеринари лабораторийĕнче ĕçлерĕмĕр. Р.Л.Евдокимов, Г.Д.Михеев, ыттисем Чăваш Ен тулашĕнче вăй хучĕç. Пурте çĕршыва усă пачĕç.