Архив - 12 Авг, 2015

Кишĕр - А провитаминпа, ĕне ашĕ - тимĕрпе, сĕт çимĕçĕсем кальципе пуян. Çак усăллă витаминсемпе минералсене ытларах вăхăта упраса хăварма тата вĕсене организм йышăнассине лайăхлатма диетологсем хăш-пĕр йĕркене пăхăнма сĕнеççĕ.

А витамин

Кишĕрти А витамина йышăнма çусем кирлĕ. Çавăнпа бетакаротинпа пуян çимĕçсене /сарă тата хĕрлĕрех сарă чылай улма-çырлапа пахча çимĕç - кишĕр, томат, кавăн, пылак пăрăç, сырлан, персик, абрикос/ тип çу, услам çу е сĕт продукчĕсем хушмалла. Тĕслĕхрен, кишĕр салатне пĕр кашăк хăйма е çу ярсан аван.

Кишĕр çеçкипе халăх медицининче тĕрлĕ чиртен сипленме усă кураççĕ. Ăна саралма пуçличчен пухса хатĕрлемелле, сулхăнра типĕтмелле.

Çеçке К, С витаминсемпе, калипе, селенпа, кальципе пуян. Йÿçĕ тутинчен хăтăлма кăштах тăвар янă шывра 15 минут тытнă хыççăн ăна яшкана, салата хушаççĕ.

Сиплĕ енĕсене илес пулсан, кишĕр çеçки юна тасатать, ÿт тăртаннине ирттерет, апатри наркăмăшсене сиенсĕрлетет, лимфа тĕввисен ĕçне лайăхлатать, ÿт, мышцăсен тонусне, пÿре çи парĕсен ĕçне йĕркене кĕртет. Йывăр чир хыççăн иммунитета ÿстерет.

Унпа ангинăран, фарингитран, ларингитран, шăнса пăсăлнинчен, сывлав çулĕсен шыçă чирĕсенчен, бронх астминчен, хырăмлăхпа вуник пумăклă пыршă язвинчен, нервсем пăлхансан сипленнĕ чухне усă кураççĕ.

Çăка чечекĕ ярса пиçĕхтернĕ шывпа ангинăран - пыра, стоматитпа гингивитран çăвара чÿхеççĕ, пиçсе кайсан, кĕсен, суран, пÿрлешке, мастит чухне, геморрой тĕввисем шыçсан, сыпăсем ыратсан, подагра, ревматизм аптратсан примочка хураççĕ.

ЖКХ «тĕпсĕр шăтăк» ан пултăр

Хаклă фильтрпа усă курмасăрах...

ЖКХри йĕркесĕрлĕх пирки паян ÿркенменни çеç калаçмасть-тĕр. Çавна май пурăнмалли çурт-йĕрпе коммуналлă хуçалăхри преступленисенчен сыхланас, вĕсене тупса палăртас ыйту ЧР Пуçлăхĕ çумĕнчи право йĕркине тивĕçтерес енĕпе ĕçлекен координаци канашлăвĕн ĕнерхи ларăвĕн кун йĕркинче тĕпре пулни пĕртте ăнсăртран мар.

Шупашкарта шыв тасатмалли фильтр сутакансем - питĕ хастар. Шыв пахалăхне тĕрĕслес йÿтĕмпе вĕсем хваттерсене кĕреççĕ те хими опычĕсем кăтартаççĕ, унтан: «Шыв питĕ япăх, çавăнпа унпа усă курма юрамасть», - тесе ĕнентерме тăрăшаççĕ.

Пуяс тĕллевпе хăйсен ĕçне питĕ ăста пурнăçлакансене ĕненес-тĕк вĕсем сĕнекен фильтрсен тасатмалли тытăмĕ темиçе шайлă-мĕн, çавăнпа шыв кристалл пек таса пулать, унра сиенлĕ бактерисемпе хутăшсем пачах юлмаççĕ, шывăн тути лайăхланать тата вăл организмшăн та çав тери усăллă-мĕн.

Ял çумĕнчех - çавра кÿлĕ. Вунулттăри Петя, юрлама юратаканскер, кимĕпе çав кÿлĕ варрине ишсе кĕрет те каçсерен ял халăхне вырăс халăх юррисене юрласа савăнтарать.

Тăван чĕлхе... Тăван сăмах... Ача чухне анне сĕчĕпе пирĕн ăш-чике, ăстăна кĕрсе вырнаçать те вăл пире кунçул тăршшĕпех чун-чĕрен чи варлă туйăмĕсене ăса илсе упрама пулăшать. Тăван сăмах ăшши этем чĕри патне тÿрех çул тупать. Унпа кирек мĕнле кăткăс шухăша та кирлĕ пек çавăрттарса калама пулать. Унăн хăвачĕ хĕçпăшалпа тан. Унпа пĕр-пĕрне амантма та, хавхалантарса вăй пама та пулать вĕт-ха. Çавăнпа та ку е вăл сăмаха шухăшламасăр, "тытса пăхмасăр" персе яма кирлĕ мар. Çăвартан тухнă сăмаха каялла ярса тытма май çук теççĕ. Ку çаплах ĕнтĕ.