Ырă сĕнÿсем

11 Кăрлач, 2017

ÇӲÇЕ ЧЕЙ ПУЛĂШАТЬ

Чей заваркипе çÿçе сиплеме те усă кураççĕ. Унра тĕрлĕ витамин, минерал, хытаракан япала нумай. Вĕсем çÿçе ÿсме пулăшаççĕ. Эфир çăвĕсем çирĕплетеççĕ, лĕкĕрен хÿтĕлеççĕ.

Тăкăнсан

1 чей кашăкĕ хура чейе /сарă çÿçлисен симĕс чей илмелле/ тин вĕренĕ 1 стакан шыва ямалла. Сăрăхтармалла, чĕрĕк лимон сĕткенĕ хушмалла. 1 литр ăшă шыва ярса пăтратмалла. Шĕвекпе кунсерен çÿç тымарĕсене тата пуç ÿтне 10 кун сăтăрмалла. Пуçа çумалли вăхăт çитиччен чÿхемелле мар.

Сывлăх
Потребителе
Ырă сĕнÿсем
27 Утă, 2016

ХĂЙĂР ТĂРĂХ УТСА

Хăйăрпа сипленине псаммотерапи теççĕ. Сывлăха лайăхлатма ун тăрăх утни те çителĕклĕ.

Чĕрепе юн тымарĕсен чирĕсем /пуçламăш тапхăр/. Малтан — ăшă хăйăр тăрăх, унтан сивĕ шыв тăрăх черетлесе 5 минут утмалла. Процедура вăхăтне майĕпен 20 минута çитермелле. Курс — 2 эрнерен кая мар.

Ват хăмпин чирĕсем. Вĕтĕ хăйăр е яка вак чул тăрăх кăна утма сĕнеççĕ. Ура тĕпĕсене ытла хастар массаж туни ват шĕвекĕ нумайрах туса кăларма хĕтĕртет тата вар-хырăм ĕçне пăсма пултарать.

Сывлăх
Сывлăх
Ырă сĕнÿсем
29 Çĕртме, 2016

СЫВЛАМА ÇĂМĂЛЛАНĔ

Сăмсан лăймака сийĕ шыçнипе /ринит/ сывлама йывăрлансан çак рецептсенчен пĕри те пулин пулăшма пултарĕ. Вĕсемпе сывлăх лайăхланичченех сипленмелле.

1. Эмел курăкĕн /ромашка аптечная/ вĕтетнĕ типĕ 2 апат кашăкĕ чечекне тин вĕренĕ 1 стакан шыва ямалла, ăшă вырăнта 10 минут лартмалла. Унтан чечекĕсене ăшăлла марльăпа чĕркесе сăмса çине кунне темиçе хут хумалла.

Сывлăх
Сывлăх
Ырă сĕнÿсем
27 Ака, 2016

ÇЕÇКИ ПИТĔ ПАХА

Хĕл каçнă çĕрулмин шурă çамрăк çеçкине иртмелле. Унран питĕ паха шĕвек хатĕрлеме пулать. Çеçкене çумалла, çур литр банкине тултармалла, хĕрринченех шурă эрех е спирт, е сăмакун хушмалла. Ăшă тĕттĕм вырăнта 14 кун лартмалла. Настойка хатĕр.

Ангина аптратсан, çăвар ăшĕ шыçсан. Çур стакан ăшă шыва çĕрулми çеçкин настойкине 20 тумлам хушмалла. Шĕвекпе çăвара ирхине тата каçхине чÿхемелле.

Кариесран сипленме. Шăл пасти çине 3-5 тумлам настойка тумлатса шăл тасатмалла. Процедурăна ирхине тата каçхине тумалла.

Сывлăх
Сывлăх
Ырă сĕнÿсем

Pages