Чăвашла верси
Русская версия
6 Çу, 2015
Вулакан страници
6 Çу, 2015
«Тĕрĕс çулпа пыратăр!»
«Хыпар» хаçатăн çĕнĕ правилăсене тĕкĕнмелле марччĕ», - тенĕччĕ пĕр çырнинче. Чăваш чĕлхипе литература учителĕсен ушкăнĕ те йышăну тусах тĕп хаçат пуçарăвне сивлесшĕн пулни çинчен илтнĕччĕ.
Çавсем, пĕр енлĕ аталаннă çынсем евĕр, «Хыпарпа» унăн кăларăмĕсене кăна алла тытаççĕ пулас. Калăпăр, Тутарстанри «Сувар» хаçат тахçанах «тĕрĕс çулпа» пырать, пĕрлешсе пĕр ăнлав пулнă сăмахсене уйрăм çырмасть. Чăваш хутлăхĕнчи «Малалла» /Çĕмĕрле районĕ/, «Пирĕн сăмах» /Сĕнтĕрвăрри/ хаçатсем те мĕн ĕлĕкрен тенĕ пек кивĕ правилăсенех пăхăнаççĕ! Çакна асăрхамаллах ĕнтĕ, курмăш пулмалла мар.
6 Çу, 2015
Редакцире тăрăшакансен ĕçне пысăка хурса хаклатăп
Ырă кун, "Хыпар" хаçат редакцийĕнче ĕçлекенсем! 80 çултан иртрĕм - чăваш хаçатне вуламасан пурнăçăмра темĕн çитмест пек. Редакцине хамăн ыйтупа иртнĕ çулла пырсан мана тараватлăн кĕтсе илнине, ырăпах ăсатса янине манмастăп. Çапла-çке ватă çын чунĕ: хăйне ăшă сăмах каланăшăн пĕчĕк ача пекех хĕпĕртет.
30 Ака, 2015
Пахалăха кура тÿлеççĕ-и?
«Хыпарăн» апрель уйăхĕн 17-мĕшĕнчи номерĕнче Хĕрлĕ Чутай районĕнчи Хусанушкăнь ял тăрăхĕн депутачĕн Иван Никифоровăн çырăвĕ пичетленчĕ. Вăл килти хуçалăхсенчен пухакан сĕт хакĕ кăçалхи виçĕ уйăхра пĕлтĕрхи çав хушăринчен темиçе тенкĕ йÿнĕрех пулнăшăн тарăхать. Ăна Хĕрлĕ Чутай районĕнче çеç мар, республикипех чакарчĕç. Мĕншĕн? Ялхуçалăх министерстви «Хыпарта» е телекурав-радио урлă халăха ăнлантарса парсан лайăхчĕ.
30 Ака, 2015
Улма пахчи тимлĕх кĕтет
Çуркунне çĕр ĕçĕпе, сад-пахчапа çыхăннă ыйтусемпе килекен çыру, шăнкăрав самаях йышланчĕ. Сад-пахчари хальхи ĕçсем çинчен ученăй-агроном, дендролог, Раççей Сад ăстисен союзĕн Чăваш уйрăмĕн наука канашĕн членĕ Владимир Алексеевич Богатовпа калаçрăмăр. Калаçăва пăшăрхантаракан темăран пуçларĕ пахчаçă:
