Комментари хушас

6 Çу, 2015

Литература-и вара çакă?

Нумай пулмасть библиотекăран "Антология прозы двадцатилетних" кĕнекен 3-мĕш томне илсе вуларăм. Тĕлĕнтĕм те, пăшăрхантăм та.

Çамрăк писательсем Мускавпа Питĕр çамрăкĕсем çинчен çырнă произведенисем пичетленнĕ. Вĕсен пурнăçне, йăли-йĕркине, шухăш-кăмăл-туйăмне сăнласа панă. Пĕр калавĕнче те, повеçĕнче те Çарти салтаксен пурнăçĕ çинчен пĕр сăмах та çук. Ахăртнех, Мускав, Питĕр яш-кĕрĕмĕ Çар хĕсметĕнче пулмаççĕ-тĕр. Ытларахăшĕ университетсенче вĕренеççĕ курăнать. Анчах лайăх тăрăшса вĕренесси çинчен калаçмаççĕ те çав çамрăксем. Хайлавсенче ытларах сăра-эрех ĕçеççĕ, пуçа минретмелли пирки калаçаççĕ, секс ыйтăвĕ - пуринчен те малта. Калаçăвĕсенче усал сăмахсем, çав шутра хĕрарăм писателĕсен ĕçĕсенче те, "тивĕçлĕ" вырăнта. Хĕр писатель çырнă "Сука" калавра хĕрсен калаçăвĕ çапларах: "Вова СПИДпа чирлĕ, - тет пĕри, - пĕлмен, ĕнер икĕ хут патăм". "Эпĕ вара - паян. Унăн тачкинче, ах! сука!" - тет тепри.

Эпĕ шутлатăп, çавăн йышши вĕреннĕ-вĕренмен çамрăксем диплом илеççех ĕнтĕ, Мускаври министерствăсене, ведомствăсене ĕçе вырнаçаççĕ, халăха "ертсе" пыма пуçлаççĕ. Ыррине мĕн кĕтме пулать вĕсенчен?

Мускав - хуçа, эпир тарçăсем пулса юлатпăр.

Ку йĕркесене çав кĕнекене вуланă хыççăн тÿсеймесĕр çыртăм. Библиотекăра ĕçлекенсене çак кĕнекене никама та вулама ан парăр терĕм.

 

Ревокат МОИСЕЕВ,

Комсомольски районĕ

Image CAPTCHA
Введите символы, которые показаны на картинке.