Чăвашла верси
Русская версия
19 Çу, 2015
Вулакан страници
15 Çу, 2015
Çие юлнă хĕрарăма ĕçрен хăтараççĕ-и?
Улттăмĕш уйăхри хырăмпа çÿретĕп. Эпĕ ĕçлекен организацире çынсене йышлăн кăларса яма тытăнчĕç. Мана та кайма сĕнчĕç. Çире пур хĕрарăмсене патшалăх хÿтĕлет-и? Вĕсен прависемпе паллаштарма ыйтатăп.
О.ТАРАСОВА.
Саккун хÿтĕлет
Çире пур хĕрарăма ĕçрен кăларса ямашкăн çăмăл мар, саккун ăна май пур таран хÿтĕлет.
Чăн та, сире икĕ сăлтавпа ĕçрен хăтарма пултараççĕ: учреждение хупсан тата вырăнпа тивĕçтерекен предприниматель хăй ĕçне чарса лартсан /РФ Ĕç кодексĕн 261-мĕш статйи/.
15 Çу, 2015
Вăл Ехремкассинче ĕçленĕ
"Хыпар" хаçатăн кăçалхи март уйăхĕн 17-мĕшĕнчи номерĕнче пичетленнĕ "Пуласлăх çути ан çÿнтĕр тесен" корреспонденцие тимлĕн вуласа тухрăм. Юрий Корнилов палăртнă тăрăх - историе манманни, тăван тăрăхра пурăннă çынсем çинчен тĕплĕн пĕлни çуралнă кĕтесе ытларах хаклама, юратма вĕрентет. "Элĕк районĕнчи Ехремкассин тĕслĕх библиотеки çумĕнче истори пÿлĕмĕ туса хуни - çитĕнекен ăрăва иртни çинчен каласа-пĕлтерсе тăмалли ĕçĕн пĕлтерĕшлĕ утăмĕ", - çырнă вăл.
Авторпа килĕшетĕп тата ентешĕсен ăнтăлăвĕпе хаçат вулаканĕсене паллаштарнăшăн ăна тав тăватăп.
15 Çу, 2015
Тухтăрсем те тĕрлĕрен...
Инкек куçа курăнса килмест теççĕ. Кăçалхи март уйăхĕн 2-мĕшĕнче каçхине чирлесе ÿкрĕм. Хама йывăр туйнипе Сĕнтĕрвăрри хулинчи "васкавлă медицина пулăшăвне" шăнкăравларăм. Унта машина пулманнипе ман пата Октябрьски больницинчине янă.
Васкавлă пулăшу пама килнĕ хĕрарăм пÿрт алăкĕнчен кĕнĕ-кĕменех мана вăрçма пуçларĕ: "Ĕçсе-кÿпсе тултаратăр та аптраса ÿксен пирĕн пата шăнкăравлатăр".
15 Çу, 2015
Эпĕ вăрçăра вилнĕ иккен
Ку хыпара илтсен е вуласан паллакан-пĕлекен шалт тĕлĕнĕ: эпĕ, ку йĕркесен авторĕ, Тăван çĕршывăн Аслă вăрçинче вилнĕ иккен.
Çакна А.Михайлов Шупашкарта «Çĕнĕ вăхăт» типографире 2010 çулта пичетлесе кăларнă «Тăван ялăм Хачăк, вăлах Ямпах» кĕнекери йĕркесем çирĕплетеççĕ: «Вĕсем Тăван çĕршывăн Аслă вăрçинче пуç хунă...» пайра «Мокин Александр Иванович - СССР журналистсен союзĕн членĕ ятне тивĕçнĕ пĕрремĕш çын», - тесе палăртнă.
