Укçа-тенкĕ

Шупашкарти "Спартак" стадиона реконструкцилеме федераци бюджетĕнчен 40,44 миллион тенкĕ уйăрма йышăннă. Çакна çирĕплетекен документа РФ премьер-министрĕ Дмитрий Медведев алă пуснă, çĕршыв Правительствин сайтĕнче пичетленĕ.

Укçана футбол енĕпе 2018 çулта иртекен Тĕнче чемпионатне хатĕрленмелли программăпа килĕшÿллĕн уйăрма палăртаççĕ. Кунсăр пуçне Чăваш Республикин бюджетĕнчи 11 миллион тенкĕпе стадиона çĕнетме усă курĕç.

Пенсин пухăнса пыракан пайне иличчен çын вилсен çав укçана чи çывăх тăванĕ /правопреемник/ илме пултарать. 2014 çулта пирĕн республикăра вилнĕ çынсен тăванĕсене ?1,8 пин çынна% 24 млн тенкĕ тÿленĕ.

Вăтамран 13 пин тенкĕ тÿленĕ, чи пысăк виçе 353 пин тенкĕпе танлашнă. Пĕтĕмпе вара 2008 çултанпа пурнăçран уйрăлса кайнисен тăванĕсене 86 млн тенкĕ куçарса панă.

2013 çулхи февраль уйăхĕнче Çĕрпÿ районĕнче ял хуçалăхĕнчи потребительсен "Поддержка-Согласие" кредит кооперативĕ йĕркеленнĕ. Унăн ĕç-хĕлĕпе правлени председателĕ, экономика ăслăлăхĕсен кандидачĕ Юрий ГАВРИЛОВ паллаштарать.

- Эпир мĕнпур харпăрлăхлă хуçалăхсене кашни уйăхра 3% хушăнакан кивçен укçа 5-10 минутрах паратпăр, - терĕ Юрий Аркадьевич. - Ытларах 5-100 пин тенкĕ илеççĕ. Уставпа килĕшÿллĕн ыйтăва правленире пăхса 600 пин тенкĕ таран кредитлама пултаратпăр. Парăма кĕрсе стройматериал, техника хатĕрĕ, выльăх, кайăк-кĕшĕк, ГСМ, ыттине туянаççĕ.

Pages

Subscribe to Укçа-тенкĕ