Вăйлă арçынсем металран хатĕрленĕ тĕрлĕ виçеллĕ снарядсем йăтассипе ĕлĕк-авалах тупăшнă. Официаллă ăмăртусем йĕркелесси XIX ĕмĕр вĕçнерех кăна йăлана кĕнĕ. Раççейре, сăмахран, кире пуканĕ тата штанга йăтакансен пирвайхи турнирĕсене пуçласа Санкт-Петербургра 130 çул ытларах каялла Нева тăрăхĕнчи паллă врач тата культурист Виктор Краевский пуçарнипе ирттернĕ.
Паян Чăваш Енре ĕç коллективĕсен Пĕтĕм Раççейри спартакиади старт илчĕ.
Кире пуканне çăмăллăн парăнтарма Шупашкарти «Энерги» спорт шкулĕнче Чăваш Енĕн тава тивĕçлĕ тренерĕ Борис Глинкин хăнăхтарнă атлетсем Крымри Алушта хулинче иртекен Раççей кубокне хутшăнĕç. Ăмăрту авăн уйăхĕн 16–23-мĕшĕнче пулĕ.
Паян Шупашкарти "Энергия" стадионра "Советская Чувашия" хаçат Андриян Николаев космонавта асăнса йĕркелекен çăмăл атлетика эстафети иртрĕ. Паллах, унта "Хыпар" Издательство çурчĕн туслă ушкăнĕ те хутшăнмасăр юлмарĕ. Чупура ăмăртакан журналистсене хавхалантармашкăн "Хыпар" хаçат директорĕ-тĕп редакторĕпе Татьяна Вашуркинăпа пĕрле издательствăра тухса тăракан тĕрлĕ кăларăм ĕçченĕсем те стадиона пухăнчĕç.
Ыран Çĕнĕ Шупашкарта пенсионерсем спартакиадăна пуçтарăнĕç. Аслă çулхисем хушшинчи кун пек ăмăртăва кăçалхипе пиллĕкмĕш хут йĕркелеççĕ. Унта палăрнисем республикăн пĕрлештернĕ командине кĕрĕç, унтан Раççейри ăмăртăва тухса кайĕç.
Чăвашла верси
Русская версия
