Поэзи

Аван-и, аякри
паланăмçăм-тăванăм,
Пырса курас килет —
анчах эс пит инçе...
Туяп:
сана юр кĕрчĕ ăшшăн ыталанă,
Тÿлеккĕн тĕлĕретĕн эс
Самар тăрăхĕнче.
Хуçу, мĕн пĕчĕкрен
пăхса ÿстерекенĕ,
Каларĕ сан çырлун
кĕрнекĕ-техĕмĕ çинчен,
Пылпа çисен
ай-ай сипетлĕ-мĕн сĕткенĕ,
Кукăль тусан та
шутсăр тутлăхлă иккен.
Тата чÿлмекпеле
кăмакана лартсассăн,
Сана кăвар хевти
вĕр-витĕрех çапсан,
Паланăм, сан пĕлесчĕ,
виçĕ кашăк тутансассăн —
Этем хăйне туять ăш пиллĕн

Вăхăт сисĕнмесĕр иртет. Кăçалхи утă уйăхĕнче "Шуратăл" литпĕрлешÿ 30 çул тултарать. Çак хушăра хамăр утса тухнă çула çаврăнса пăхатăп та, алă усса лар-манни савăнтарать. 30 çул хушшинче "Шуратăл" хастарĕсем хăйсен шучĕпе 100 ытла чăвашла, вырăсла кĕнеке кăларма мехел çитерчĕç. Вĕсене "самиздат" тесе калаймăн, мĕншĕн тесен пурне те ятлă-сумлă çыравçăсем редакциленĕ.

Анатолий Григорьевич Дмитриев-Ырьят 1949 çулхи июнĕн 9-мĕшĕнче Тутарстанри Тăхăрьял тăрăхĕнчи Раккасси ялĕнче çуралнă. Элшелĕнчи вăтам шкулта (1966 ç.), Шупашкарти парти шкулĕнче (1970-1975), Чăваш патшалăх университетĕнче (1990-1996) пĕлÿ илнĕ. 1990-2015 çулсенче Ульяновскри "Канаш" хаçатра вăй хунă. Ултă кĕнеке: "Шевле çути", "Хăмăшлăха путнă кĕмĕл уйăх", "Пурнăç утравĕсем", "Тавах, çунатлă урхамахăм" (1-2-мĕш кĕнекесем), "Вутра çунман уртăш" (сăвăсем, повеçсем) хатĕрлесе пичетлесе кăларнă.

Сайра хĕвеллĕ кун раштавăн:
Тăрать тĕтре е çил-тăман.
Çапах унран чунри мухтавăм
Çак хушăра пач татăлман.
 
Çула пӳлсе хума шутланăн
Чĕвен тăрать-и кусăрка –
Тус-тантăш, пĕлĕш те тăванăм,
Тӳрех пуçа ан усăр-ха.
 
Уй-хир кас-кассăн хумлă-хумлă,
Асилтерет-çке тинĕсе.
Сăна, ката илемлĕ тумлă,
Сана кĕтет вăл тĕмсĕлсе.
 
Сырас килсе каять те йĕлтĕр -
Чун йыхăрать шур вăрмана.

Pages

Subscribe to Поэзи