Кăçалхи çу уйăхĕн 19-мĕшĕнче ирхине Çĕнĕ Шупашкарта пурăннă 79 çулти арçын виллине хăйĕн хваттерĕнче тупнă. Ку тĕлĕшпе РФ СКн Çĕнĕ Шупашкарти следстви уйрăмĕ следстви умĕнхи тĕрĕслев ирттерет.
Ватăскерĕн виллине ăна тахçантанпах пăхса пурăннă кÿршĕ хĕрарăмĕ асăрханă. Çакă паллă: аран утса çÿрекен арçын ваннăра путнă. Вилĕм криминалпа çыхăнманни уçăмланнă, суран йĕрĕсене тупса палăртман.
Чăваш Енĕн Патшалăх Канашĕн депутачĕ Юрий Шлепнев тĕлĕшпе пуçарнă уголовнăй ĕçе мировой суда ярса панă. Кун пирки паян республика прокуратури хыпарлать.
Çĕр лаптăкĕсемпе çыхăннă ултавлă ĕçсемшĕн ял тăрăхĕсен, райадминистрацисен миçе пуçлăхĕ суд умне тăмарĕ пуль — пурпĕр саккуна пăсма пăрахмаççĕ.
Ку хутĕнче Шупашкар районĕнчи Вăрман Çĕктер ял тăрăхĕн экс-пуçлăхĕ суд тенкелĕ çине ларнă. Ăна УК 285 статйин 2-мĕш пайĕпе (вырăнти хăйтытăмлăх органĕн пуçлăхĕ должноç полномочийĕсемпе киревсĕр тĕллевпе усă курни) айăпланă.