2014 çула Раççейре Культура çулталăкĕ тесе пĕлтернĕ. «Чăваш Республикин хальхи вăхăтри культура политикин тĕп тĕллевĕсенчен пĕри вăл – çынна пултарулăх тĕлĕшĕнчен ÿсме, хăйĕн ăс-хакăлне аталантарма условисемпе майсем туса парасси», - палăртнă республика Пуçлăхĕ М.В.Игнатьев Патшалăх Канашне янă Çырура.
Пурăннă пулсан çыравçă, Чăваш ÿнерçисен союзĕн правленийĕн 2001-2005 çулсенчи председателĕ, ЧР культурăн тава тивĕçлĕ ĕçченĕ Василий Эктел нарăс вĕçĕнче 64 çул тултармаллаччĕ. Шел, культура ĕçченĕ, «Калем» кĕнеке издательствин никĕслевçи пирĕнтен сакăр çул каялла уйрăлса кайрĕ.
Наци библиотекинче «Мерчен» музыка тĕпелĕ ĕçлеме пуçланăранпа часах икĕ çул çитет. Ăна республикăри чи пысăк вулавăшăн тĕп библиотекарĕ - музыкăпа нота пайĕн ертÿçи В.Архипова пуçарса янă. Пĕлтĕртенпе ĕç-хĕле Раççей Федерацийĕн Композиторсен союзĕн членĕ, ЧР искусствăсен тава тивĕçлĕ деятелĕ С.Макарова ертсе пырать.
Красноармейски районĕнче тăхăр культура çурчĕ. Тĕрĕссипе, вĕсен ячĕ халĕ урăхларах – информаципе культура аталанăвĕн центрĕ. Кашни çулах районта пилĕк пинрен кая мар мероприяти ирттереççĕ. Кăçал Культура çулталăкĕ пулнă май вĕсен шутне тата ÿстересшĕн.
Несĕлсен Ырă йăли-йĕркине упрама тăрăшать чăваш хĕрарăмĕ. Ал ĕç ăсталăхне çамрăксене те хăнăхтарать. Çĕнĕ Шупашкарта пурăнакансем çак тĕллевпе «Улах» уяв ирттернĕ.
Чăвашла верси
Русская версия
