Кĕскен

РФ Шалти ĕçсен министерствин Етĕрне тата Комсомольски районĕсенчи пайĕсен пуçлăхĕсем улшăннă.

Етĕрнере йĕркелĕх хуралĕн тилхепине Станислав Андреев тытнă. Вăл шалти ĕçсен органĕсенчи службăра 1993 çултанпа, пуçлăх должноçне уйăрса лартиччен ЧР ШĔМĕн коррупци сĕмĕллĕ преступленисемпе кĕрешекен пайĕн уйрăмах пĕлтерĕшлĕ ĕçсемпе ĕçлекен оперуполномоченнăйĕ пулнă.

Юлашки вăхăтра вĕренÿ тытăмĕнче ачана пултарулăх валли çул уçса пырас тĕллевпе хушма пĕлÿ памалли çинчен нумай калаçатпăр.

Ача-пăча хăйне хупăрласа тăракан тĕнчере ырри-япăххине уяма хăнăхнă чухне çав тери сисĕмлĕ. Çавăнпах ĕнтĕ пултарулăхăн тĕрлĕ енне туптассине пĕчĕкрен пуçлани пĕлтерĕшлĕ.

Улатăр районĕн сучĕ 39 çулти Наталья Рандина тĕлĕшпе пуçарнă уголовлă ĕçпе приговор палăртнă. Ăна бюджет укçипе тĕллевсĕр усă курнăшăн айăпланă.

Укçана предпринимателе Улатăр хула администрацийĕ грант шучĕпе панă - авалхи хулара çĕнĕ йышши 3D-кинотеатр уçма. Малтан пĕтĕмпех йĕркеллĕ пулнă темелле. Хĕрарăм республикăри предприниматель ĕç-хĕлне аталантарма уйăракан укçа шучĕпе грант илмешкĕн Улатăр администрацине кинотеатр тумалли бизнес-план тăратнă. Ăна тивĕçлипе хакланă, каялла тавăрса памалла мар 300 пин тенкĕлĕх грант панă.

Subscribe to Кĕскен