Кану

15 Jun, 2017 | Тантăш | Вĕрентÿ | Кану

Чулхула облаçĕнчи Кстово хулинчи çар чаçĕнче федерацин Атăлçи тăрăхĕнчи «Гвардеец» хÿтĕлевпе спорт лагерĕн пĕрремĕш смени пуçланнă. Пирĕн республикăран унта Патăрьелти 1-мĕш, Шупашкарти 47-мĕш, Республикăри кадет шкулĕсем, Çĕнĕ Шупашкарти Совет Союзĕн Геройĕ М.М.Кузнецов ячĕллĕ кадет тата Канаш хулинчи патшалăх службипе управленийĕн лицейĕсем хутшăнаççĕ.

Ачасен чи кĕтнĕ вăхăчĕ — çуллахи каникул — çитрĕ. Вĕсен канăвне мĕнле йĕркелемеллине тахçанах планлама пуçланă ашшĕ-амăшĕ. Хуларисен — яла, ялтисен хулана каяс килет. Пĕве, кÿлĕ, юхан шыв çывăхĕнче каннипе çырлахманнисем тинĕс хĕрринче хĕвел айĕнче хĕртĕнесшĕн.

Раççей почти тата Пĕтĕм тĕнчери "Артек" ача-пăча центрĕ ачасен çырăвĕсен "Почта! Манăн "Артека" каяс килет" иккĕмĕш уçă конкурс пуçланни çинчен пĕлтерчĕç.

Çак конкурс урлă хастар ачасем хăйсен пултарулăхĕ пирки пĕлтерме, парне вырăнне тĕнчипе паллă лагере çитсе килме пултараççĕ. Çĕнтерÿçĕсем "почта сменине" лекеççĕ: ăна Раççей почтипе пĕрле кăçалхи çурла уйăхĕнче йĕркелеççĕ.

Елчĕк районĕнчи Тÿскел ял халăхĕ кану центрĕ уçăласса тахçантанпах чăтăмсăррăн кĕтетчĕ. Ара, кивĕ клуб çурчĕ юхăннине кура 2009 çултах хупăннă. Йышпа пуçтарăнма, канма вырăн çукран тепĕр çĕрте алă уснă пулĕччĕç. Тÿскелсем чăннипех те маттур, хастар çав. Ялти "Шуçăм" ансамбль культура вучахне сÿнме паман. Уявсенче урамра юрласа-ташласа халăха савăнтарнă, репетицисене ял хуçалăх предприятийĕн пĕчĕк çеç бригада çуртне пуçтарăннă. Вĕсен пуçарулăхне, ытти çынсен тăрăшулăхне кура паян Тÿскелсем нумай функциллĕ кану центрĕ уçăлнине паллă тăваççĕ.

Иртнĕ эрнере ЧР ачасемпе çамрăксен вулавăшĕнче «Тетте» журналпа пĕрле «Ир-ирех хĕвел тăрать, зарядкăна йыхăрать» ятпа зарядка иртрĕ. Унта Шупашкарти 106-мĕш «Кораблик» ача садĕнчи аслă тата хатĕрленÿ ушкăнĕсем хутшăнчĕç.

Pages

Subscribe to Кану