Паян ЧР Пуҫлӑхĕн тивĕҫĕсене пурнӑҫлакан Олег Николаев васкавлӑ медицина пулӑшӑвĕн службинче ĕҫлекенсемпе онлайн-тĕлпулу ирттерчĕ. Чӑваш Ен ҫыннисен тата хӑйĕн ячĕпе вӑл медицина ĕҫченĕсене професси уявĕ ячĕпе саламларĕ.
Раççейре «Астăвăм сачĕ» акци пырать. Унăн тĕллевĕ — Тăван Çĕршывăн Аслă вăрçинче тăшманпа кĕрешсе паттăррăн пуç хунă 27 миллион салтак ячĕпе 27 миллион йывăç лартасси.
Канмалли кунсенче интернет уҫлӑхӗнче шахматла выляссипе пӗтӗм тӗнчери ача-пӑча онлайн турнирӗ иртнӗ. Ӑна Чӑваш Енри Шахмат федерацийӗ "Шахмат планети" онлайн-лапамра йӗркеленӗ. (chessking.com)
Ҫамрӑк шахматистсен интерактивлӑ форматпа иртекен икӗ эрнелӗх ӑмӑртӑвӗсем Чӑваш Еншӗн ют мар. Хальхинче вӑл ытти ҫӗршывран та хутшӑнакансем пулнипе уйрӑлса тӑрать: Австри, Бразили, Узбекистан... Ҫавӑн пекех - Раҫҫейри 20 регион. Пурӗ - 200-е яхӑн хутшӑнакан. Спортсменсен ӳсӗмӗ - 9-15 ҫул.
Раççей Федерацийĕн аталанăвĕн Владимир Путин Президент палăртнă наци тĕллевĕсен шутĕнче çĕршывра чухăнлăх шайне икĕ хут пĕчĕклетесси тĕп вырăн йышăнать.
Чăваш Енре «Çулталăк воспитателĕ» конкурс малалла пырать. Кăçал финал пуçласа онлайн мелпе иртет.
Конкурс виçĕ тапхăрпа иртнĕ. Финала вара 27 çынран 5-шĕ çеç лекнĕ. Ача садĕнче ĕçлекенсем «Интернет-портфолио», «Манăн ăнăçлă проект» тупăшусене хутшăннă, ăсталăх класĕ ирттернĕ, ачасемпе мĕнле ĕçленине видео урлă кăтартнă.
Чăвашла верси
Русская версия
