Ĕç тăвакан влаç органĕсен тата муниципалитетсен ертÿçисемпе Чăваш Ен Пуçлăхĕ тунтикунсерен ирттерекен канашлура Шупашкарти Мускав кĕперне савăнăçлă лару-тăрура уçнă май унта килнĕ сумлă хăнасемпе, çав шутра РФ транспорт министрĕн пĕрремĕш заместителĕпе Иннокентий Алафиновпа сÿтсе явнă ыйтусем пирки пĕлтернипе вĕçленчĕ.
ЧР Пуçлăхĕ ĕç тăвакан влаç органĕсен тата муниципалитетсен ертÿçисемпе тунтикунсерен ирттерекен канашлăва Михаил Игнатьев укçа-тенкĕ теминчен пуçларĕ. Федераци бюджетĕнчен республикăна уйăрса паракан укçа виçи палăрмаллах ÿсет — 16,5% хушăнать.
Федераци, республика, муниципалитет программисемпе килĕшÿллĕн автомобиль çулĕсене тăвас, реконструкцилес тата юсас ĕç малалла пырать.
Авăн уйăхĕн 28-мĕшĕнче, каçхи 10 сехетсенче Çĕнĕ Шупашкарта, Советски урамĕнчи 25-мĕш çурт тĕлĕнче çул урлă каçмалли вырăнта иномарка виçĕ çын çине пырса кĕнĕ. Малтанхи кăтартусем тăрăх, 45 çулти «Мitsubishi” водителĕ çул çине тухнă хĕрсене ытла та кая юлса асăрханă. Куракансем каланă тăрăх, машина пысăк хăвăртлăхпа вĕçтерсе пынă-мĕн. 28 çулсенчи аманнă икĕ хĕре больницăна илсе çитернĕ. Виççĕмĕшĕ, Шупашкар районĕнче çуралса ÿснĕскер, йывăр сурансене чăтаймасăр васкавлă медицина пулăшăвĕн бригади çитиччен пурнăçран уйрăлнă. Вăл та 28 çулта çеç пулнă.
Федерацин «Волго-Вятскуправтодор» хысна учрежденийĕ подряд организацийĕпе кăçал çирĕплетнĕ договорпа килĕшÿллĕн Мăн Çавал юхан шывĕ урлă хывнă Çĕрпÿ кĕперне кăçалхи юпа уйăхĕнче туса пĕтермелле.
Чăвашла верси
Русская версия
