Çу уйăхĕн 17-мĕшĕнче Етĕрне районĕнче 28 çулти амăшĕпе унăн 9 çулти хĕрĕ инкеке лекнĕ. Авари «Сăр» автоçул çинче пулнă. «Фольсваген-Пассат» рулĕ умĕнчи хĕрарăм-водитель кювета чăмнă. Машинăра хĕрарăмăн хĕрĕ пулнă. Иккĕшне те больницăна ăсатнă.
Çак кунсенче республикăри тĕрлĕ район-хулара çулсене юсаççĕ. Хĕрлĕ Чутай тăрăхĕнчи ĕçсене Чăваш Ен транспорт тата çул-йĕр хуçалăхĕн министрĕ Владимир Осипов хăй тĕрĕслесе тăрать. Вăл çак ыйтупа яваплиcемпе канашлу ирттернĕ.
ЧР Пуçлăхĕн тивĕçĕсене вăхăтлăх пурнăçлакан Олег Николаев паян ирттернĕ планеркăра транспорт, çул-йĕр аталанăвĕ çинчен тĕплĕ калаçу пулчĕ.
Çанталăк ăшăтса пынă май çул-йĕр предприятийĕсен те хĕрÿ ĕç пуçланать: çулсене юсамалла. Акă нумаях пулмасть подряд организацийĕсем ĕçе пуçăннă. Шупашкар районĕнчи Кÿкеçре те тăрăшса ĕçлеççĕ.
ЧР Пуçлăхĕн тивĕçĕсене вăхăтлăх пурнăçлакан Олег Николаев ĕç тăвакан влаç органĕсен тата муниципалитетсен ертÿçисемпе йĕркеленĕ канашлура Хĕрарăмсен кунне халалланă мероприятисене пĕтĕмлетнĕ, Чăваш автономине туса хунăранпа 100 çул çитнине уявлама хатĕрленессипе çыхăннă ĕçсене тишкернĕ хыççăн автомобиль çулĕсене юсас ĕçсене мĕнле пурнăçланине, ку енĕпе йышăнмалли мерăсене сÿтсе яврĕç.
Чăвашла верси
Русская версия
