Чыслав

Чăваш Ен Пуçлăхĕ Михаил Игнатьев КПСС Чăваш обкомне 1974-1988 çулсенче ертсе пынă патшалăх тата политика деятелĕ, Шупашкар хулин Хисеплĕ гражданинĕ Илья Прокопьев 90 çул тултарнă ятпа Чăваш наци библиотекинче утă уйăхĕн 29-мĕшĕнче ирттернĕ савăнăçлă уява хутшăнчĕ.

ЧР Пуçлăхĕн Михаил Игнатьев ячĕпе Владимир облаçĕн администрацийĕн аппарачĕн ертÿçин пĕрремĕш заместителĕнчен Виктор Кауровран тата Пĕтĕм Раççейри «Вăрçăри Тăванлăх» общество организацийĕн председателĕн заместителĕнчен Валерий Малышевран Чăваш Ен Пĕтĕм тĕнчери «Пирĕн Аслă Çĕнтерÿ çăлтăрĕ» обществăпа патриотизм проектне пурнăçлама пулăшнăшăн тата унта хутшăннăшăн тав çырăвĕ килнĕ.

Ăс-хакăл пуянлăхĕн, наци культурин тата ăрусен йăли-йĕркин тĕп управçи яланах çемье шутланнă, малашне те çаплах пулĕ. Йывăç тĕревĕ — çирĕп тымар, çыннăн хÿтлĕхĕ çирĕп çемье пулнине несĕлĕмĕрсемех палăртнă. Чăваш халăхĕ вара çемьене чăннипех хаклать.

Иртнĕ эрнере Чăваш Республикин культура, национальноçсен ĕçĕсен тата архив ĕçĕн министерстви, Чăваш наци конгресĕ тата чăваш ачисен «Тантăш» хаçат редакцийĕ ирттерекен Чăваш Республикинче Ĕç çыннин çулталăкне халалланă çамрăк чăваш çыравçисемпе ÿнерçĕсен регионсен хушшинчи «Çĕнĕ хум» пултарулăх конкурсĕн чыславĕ иртрĕ.

Чăваш Енĕн хастар та маттур çыннисене, тăван хутлăхăн пурнăçне ырăлăх кÿмешкĕн уйрăмах пысăк тÿпе хывнисене, Республика кунĕ умĕн чысласси йăлана кĕнĕ ĕнтĕ.

Pages

Subscribe to Чыслав