Сывлăх

19 Ака, 2021

Чăваш Енре вакцинацин тата виçĕ теçетке пунктне уçасшăн

Коронавирусран сыхланса çынсене вакцинацилес ĕçе вăйлатмалла. Çак тĕллеве ĕç тăвакан влаç органĕсен тата муниципалитетсен ертӳçисемпе тунтикунсерен ирттерекен канашлура ЧР Пуçлăхĕ Олег Николаев палăртрĕ. Прививка тăвас кăмăллă çынсем йышлă, вакцинацие анлăлатмалли майсем те пур, терĕ вăл.

Сывлăх сыхлавĕн министрĕ Владимир Степанов пĕлтернĕ тăрăх, республика пĕтĕмпе 83 пин çынна прививка тумалăх вакцина йышăннă ĕнтĕ. Çывăх вăхăтра тата килмелле.

Сывлăх
16 Ака, 2021

Ют çĕршывран таврăнакансене тĕрĕслеççĕ

Правительство çуртĕнче коронавирус инфекцийĕ сарăлассине чарас енĕпе ĕçлекен ятарлă штабăн черетлĕ ларăвĕ иртрĕ. ЧР Пуçлăхĕ Олег Николаев ют çĕршывсенче чир тепĕр хут вăй илме пуçланине, пирĕн регионта та лару-тăру хуть те хăш самантра та улшăнма пултарнине, çавна май чикĕ леш енчен таврăнакансене сăнаса тăмаллине палăртрĕ. Çавăн пекех обществăлла вырăнсене дезинфекци тăвас ĕçе вăйлатма хушрĕ.

Сывлăх
14 Ака, 2021

«Земство фельдшерĕ» программăна анлăлатнă

Министрсен Кабинечĕ «Земство фельдшерĕ» программăпа килĕшӳллĕн компенсаци тӳлевĕ памалли медицина ĕçченĕсен списокне анлăлатнă.

Асăннă тӳлеве малашне фельдшер-акушер пункчĕсен акушерĕсемпе медицина сестрисене те парĕç.

Сывлăх
2 Ака, 2021

Чир-чĕртен сыхланасси пирки манас марччĕ

Правительство çуртĕнче коронавирус инфекцийĕ сарăлассине чарас енĕпе ĕçлекен ятарлă штабăн черетлĕ ларăвĕ иртрĕ. Ăна ЧР Пуçлăхĕ Олег Николаев ертсе пычĕ.

Сывлăх сыхлавĕн министрĕ Владимир Степанов пĕлтернĕ тăрăх, стационарта 756 çын сипленет, вĕсенчен 16-шĕ ИВЛ аппаратпа сывлать. Килте 2084 çын медпулăшу илет. Кăçал 1000 ытла çын реабилитаци тухнă. Хальхи вăхăтра санаторисенче 208 çын сиплев курсĕ илет. Коронавирус инфекцийĕнчен хӳтĕлекен прививкăна 41799 çын тутарнă.

Сывлăх

Pages