Сывлăх

Правительство çуртĕнче коронавирус инфекцийĕ сарăлассине чарас енĕпе ĕçлекен ятарлă штабăн черетлĕ ларăвĕ иртрĕ. ЧР Пуçлăхĕ Олег Николаев каланă тăрăх, лару-тăру ырă енне улшăннă, чирлекенсен шучĕ чакнă, çапах вăл хăрушсăрлăх мерисене пăхăнма манмалла марри пирки асăрхаттарчĕ.

Шупашкарти амбулатори онкологи центрне усал шыçăсене пуçламăш тапхăртах асăрхама май паракан хатĕр килсе çитмелле.

Гастроскопи, колоноскопи тата бронхоскопи ирттерме 15 миллион тенкĕлĕх видеоэндоскоп тытăмĕ туянма палăртнă.

Сăмах май, Чăваш Енре амбулатори онкологи пулăшăвĕн центрĕсен тытăмĕ йĕркеленет. Тăваттăшĕнчен иккĕшне Канашра тата Шупашкарта уçнă. Кăçал çавнашкал центр Çĕнĕ Шупашкар хула больницинче те ĕçлесе каймалла.