Пулса иртни
Пӗр кунта - икӗ пушар
Пушар хӑрушсӑрлӑхӗн правилисене яланах асра тытмалла та, анчах ҫынсем ҫакӑн пирки чылай чухне инкек тӳссен ҫеҫ шухӑшласа илеҫҫӗ. Ҫулталӑк пуҫланнӑранпа республикӑра 722 пушар тухнӑ. Ҫулӑма пула 28 ҫыннӑн пурнӑҫӗ татӑлнӑ, 35-ӗн суранланнӑ. 42 ҫынна ҫӑлнӑ. Ҫапларах пӗлтереҫҫӗ Раҫҫей МЧСӗн Чӑваш Енри тӗп управленийӗнче паянхи статистикӑпа паллаштарнӑ май.
49 ҫулти арҫын шыва путнӑ
Ӗнер ирхине, ҫӗртме уйӑхӗн 7-мӗшӗнче, Раҫҫей МЧСӗн Тӗп управленийӗн Кризис лару-тӑрӑвӗнчи управлени центрне шӑнкӑрав ҫитнӗ. Муркаш районӗнчи Юнкӑ шывӗн плотининче, Кӑпас ялӗ ҫывӑхӗнче, 49 ҫулти арҫын путса вилнӗ. Вырӑнта пурӑнакансем унӑн кӗлеткине асӑрхаса шывран кӑларнӑ.
Раҫҫей МЧСӗн Чӑваш Енри тӗп управленийӗ пӗлтернӗ тӑрӑх, ҫулталӑк пуҫланнӑранпа Чӑваш Енре шыв ҫинче 7 инкек пулнӑ, вӗсенчен улттӑшӗнче ҫын вилнӗ, пӗрне ҫӑлнӑ.
Суйса пособи илсен явап тыттарĕç
Чăваш Ен Ĕç тата социаллă хÿтлĕх министерстви пĕлтернĕ тăрăх, ĕçсĕрлĕх центрĕсенче учета тăракансем хушшинче улталакансем тĕл пулаççĕ.
Кăçалхи кăрлач-çу уйăхĕсенче 39 çын ĕçсĕрлĕх пособине суйса илнĕ. Вĕсене 248,6 пин тенкĕ пособи тÿленĕ. Ултав çиеле тухсан 197,5 пин тенкине бюджета тавăрса панă. Ытти укçана та шыраса илĕç.
Атăла путма пуçланă
Шупашкарти икĕ тус пĕр кунхине Атăла путма пуçланă.
Ÿсĕрскерсенчен пĕри амăшĕн «Лада Калина» машинине чĕртсе тухнă. Атăл çыранĕн хĕррипе пынă чух вăл руле тусне шанса панă. Лешĕн права пулман. Руль умне вăл машинăпа çÿреме вĕренмелле ларнă. Тахăш вăхăтра автомобиль хыçалалла чакса Атăл çыранĕ хĕррине пырса кĕнĕ. Машинăна хăйсем тĕллĕн шывран кăлараймассине ăнлансан каччăсем пулăшу чĕнсе илнĕ.
Pages
- « первая
- ‹ предыдущая
- …
- 7
- 8
- 9
- 10
- 11
- 12
- 13
- 14
- 15
- …
- следующая ›
- последняя »