Раççей Президенчĕ Владимир Путин 2012 çулхи утă уйăхĕн 28-мĕшĕнче алă пуснă хушупа килĕшÿллĕн 2019 çулта Шупашкара йĕркелесе янăранпа 550 çул, 2020 çулта Чăваш автономи облаçне туса хунăранпа 100 çул çитнине уявлăпăр.
Çавна май уявсене хатĕрленсе ирттерсе ярас тĕлĕшпе ĕçлекен йĕркелÿ комитечĕ туса хунă. Унăн председателĕ — Раççей культура министрĕ Владимир Мединский.
Республика Пуçлăхĕ Михаил Игнатьев ытларикун Красноармейски тата Муркаш районĕсенче пулчĕ, муниципалитетсен ертÿçисемпе, вырăнти активпа пĕрле районсен социаллă пурнăçпа экономика аталанăвĕн 2018 çулхи кăтартăвĕсене тишкерсе хаклама тата кăçалхи тĕллевсене палăртма хутшăнчĕ.
Чăваш Республикин Пуçлăхĕ Михаил Игнатьев нарăс уйăхĕн 1-мĕшĕнче Хĕрлĕ Чутай районĕнче ĕçлĕ çулçÿревре пулчĕ.
Малтан «Коминтерн» ЯХПКн сĕт сумалли блокĕн ĕçĕпе паллашрĕ. Хуçалăх ăна ивестици проекчĕпе килĕшÿллĕн пĕлтĕр туса пĕтерчĕ.
Чăваш Ен Пуçлăхĕ кăрлачăн 17-мĕшĕнчи хушăвĕпе федерацин «Коррупципе кĕрешесси çинчен» тата ытти саккунĕнче палăртнă чарусене, интерессен конфликчĕсене сирме ыйтнине пăхăннине, должноç тивĕçĕсене пурнăçланине тĕрĕсленĕ тапхăрта Чăваш Республикин Министрсен Кабинечĕн Председателĕн заместительне — экономика аталанăвĕн, промышленноç тата суту-илÿ министрне Владимир Аврелькина должноçран хăтарнă.
Паян Шупашкарти Хĕрлĕ тÿремре Халăх пĕрлĕхĕн кунне халалласа митинг-концерт иртрĕ.
Чăвашла верси
Русская версия
