Вăрнар районĕнчи «Химик-Август» футбол команди Пĕтĕм Раççейри ăмăртуран бронза медальпе таврăннă. Тупăшу Псковра ял командисен хушшинче иртнĕ. 16 регионти 2004-2005 çулсенче çуралнă 200 ытла арçын ача хутшăннă унта.
Чи пĕрремĕш хут 1959 çулта ачасене йышăннă «Звездный» кану лагерĕ уяв паллă тунă. Пухăннă хăнасене, лагерьти 12 отряда Çĕрпÿ район пуçлăхĕпе Татьяна Барановăпа администраци пуçлăхĕ Игорь Николаев саламланă, малашне те аталанса пыма суннă. Игорь Николаев лагерь ертÿçине спортпа туризм хатĕрĕсене туянма 100 пин тенкĕлĕх сертификат парнеленĕ.
Чăваш наци конгресĕн çурчĕ çине Чăваш автономи облаçне йĕркелекенĕн, обществăпа патшалăх деятелĕн Д.С. Элменĕн (Семеновăн) асăну хăмине вырнаçтарасшăн.