СССР халăх артисчĕ, Ленин премийĕн лауреачĕ Василий Лановой кăçал кăрлач уйăхĕнче 85 çул тултарчĕ. Апла пулин те пур енĕпе те хастар-ха вăл: Евгений Вахтангов ячĕллĕ тăван театрĕнче вылять, концерт программисене хутшăнать, пĕчĕк спектакльсем лартать. Çĕршыври чи илĕртÿллĕ çак арçын паян Шупашкара килсе кайрĕ.
Паян Чăваш Республикинчи Наркотиксемпе кĕрешекен комисси черетлĕ лару ирттерчĕ. Ăна ЧР Пуçлăхĕ Михаил Игнатьев ертсе пычĕ. Видеоконференцçыхăну мелĕпе йĕркеленĕ канашлăва районсемпе хуласен администрацийĕсен пуçлăхĕсем те хутшăнчĕç.
Çĕртме уйăхĕн 17-мĕшĕнче И.Н.Ульянов ячĕллĕ Чăваш патшалăх университетĕнче экзамен вăхăтĕнче аккумулятор çунма пуçланă. Студентсене эвакуациленĕ. Асăннă пĕлÿ çурчĕ умне 6 пушар машини тата васкавлă пулăшу ĕçченĕсем çитнĕ.
«Республика кунĕ умĕн регионта мероприяти нумай иртет. Вĕсене тĕплĕн хатĕрленмелле тата çÿллĕ шайра ирттермелле. Пурин те яваплăха туйса ĕçлемелле», — терĕ Чăваш Ен Пуçлăхĕ Михаил Игнатьев ĕç тăвакан влаç органĕсен тата муниципалитетсен ертÿçисемпе тунтикунсерен ирттерекен планеркăна уçнă май.
Паян Шупашкарта "Пĕтĕм Раççейри халăхсен туслăхĕ" Пĕтĕм Раççейри акци иртнине маларах пĕлтертĕмĕр-ха. Мероприятие Раççей кунне халалланă.
Уява ЧР Пуҫлӑхӗ Михаил Игнатьев, Шупашкар хулин пуҫлӑхӗ Евгений Кадышев, РФ Патшалӑх Думин депутачӗсем Николай Малов, Леонид Черкесов тата ыттисем хутшӑнчӗҫ.
Чăвашла верси
Русская версия
