Новости по теме

19 Ака, 2022

Йӳннине халь ярмăрккăра шырасан кăна…

Экономика аталанăвĕн министерстви республикăра пурăнакансен хушшинче йĕркеленĕ онлайн-ыйтăм çынсене паян чи малтан хаксен ӳсĕмĕ пăшăрхантарнине çирĕплетнĕ. Çавна май республикăн потребительсен прависене хӳтĕлес енĕпе ĕçлекен координаци канашĕн ытларикун иртнĕ ларăвĕн кун йĕркинче хаксен ыйтăвĕ тĕп вырăнта пулни кĕтменлĕх мар.

Кун хыççăн кун
19 Ака, 2022

Реконструкци калаçтарать

Анне монуменчĕ патĕнчи лаптăкри, Юрă уйĕнчи, Хĕрлĕ лапамри, Мускав çыранĕнчи ĕçсем валли /терроризмран асăрхаттаракан стендсем тума, видеосăнав йĕркелеме тата ытти те/ пĕтĕмпе 2,3 миллион тенкĕ кирлĕ. Анчах хула администрацийĕ укçа уйăрман. Кун пирки Шупашкар хулин ЖКХ управленийĕн директорĕ Олег Белов ытларикун республикăн антитеррор комиссийĕн тата оперативлă штабĕн ЧР Пуçлăхĕ Олег Николаев ертсе пынипе иртнĕ пĕрлехи ларăвĕнче каларĕ.

Кун хыççăн кун
19 Ака, 2022

Сыхлăх нихăçан та ытлашши мар

Ăшă кунсем çывхарнă май халăх йышлă пулакан вырăнсенчи хăрушсăрлăха тивĕçтерес ыйтусем мала тухаççĕ. Ку енĕпе çитменлĕх чылай. Çакăн пирки ытларикун республикăн антитеррор комиссийĕн тата оперативлă штабĕн ЧР Пуçлăхĕ Олег Николаев ертсе пынипе иртнĕ пĕрлехи ларăвĕнче тĕплĕ калаçу пулчĕ.

Кун хыççăн кун
19 Ака, 2022

Ачасем валли йĕркеленĕ «Ачалăх тĕнчи» ача-пăча конкурсĕ малалла пырать

Пултарулăх ăмăртăвне 5-7 çулсенчи ачасем хутшăнаяççĕ. Вĕсен ĕçĕсене хăйне евĕрлĕхне, ăсталăхне, хăй тĕллĕн пурнăçланине кура хаклĕç.

Культура
18 Ака, 2022

4 медаль çĕнсе илнĕ

Иртнĕ эрнере Чăваш Ен гимнасчĕ Владислав Поляшов Атăлçи команди йышĕнче Хусанти наци чемпионатне хутшăннă.

Олимп вăййисенче тупăшнă Владислав ку чемпионатра пур тĕрлĕ медале те тивĕçес тенĕ пулмалла. Маларах «ылтăн» тата «кĕмĕл» илнĕскер ăмăртăвăн пĕтĕмлетӳ кунĕнче икĕ «бронзăллă» пулнă. Пĕрне каштасем çинче хăнăхтарусем пурнăçласа 14 балл пухнăшăн тивĕçнĕ, теприне — перекладина çинчи хăнăхтарусемпе 13,266 балл илнĕшĕн.

Спорт
18 Ака, 2022

«Орленокра» канма – путевка

Раççей çут çанталăк надзорĕ чи хастар 50 ачана «Орленокра» канмалли путевкăпа тивĕçтерĕ.

Çак тĕллевпе республикăра Пĕтĕм тĕнчери «Экологи — кашнин ĕçĕ» ача-пăча премийĕ иртет. Унта 6-17 çулсенчи ачасем хутшăнаяççĕ. Заявка пама www.экологияделокаждого.рф сайта кĕмелле. Пултарулăх ĕçĕсем валли 9 номинаци йĕркеленĕ.

Вĕрентÿ
18 Ака, 2022

Экзаменсен расписанийĕ паллă

Кăçал 9-мĕш класран вĕренсе тухакансем валли патшалăх экзаменĕн расписанине улшăнусем кĕртнĕ.

Пысăк йышпа ирттермелли экзаменсем /вырăс чĕлхи, математика, обществознани/ валли 2-шер кун уйăрнă. Экзаменсене 1 е 2 кунта ирттерессине кашни регион хăй палăртĕ.

Вĕрентÿ
18 Ака, 2022

Президент патне çитерĕç

«Çĕнĕ вăхăт валли вăйлă шухăшсем» /Сильные идеи для нового времени/ форума хатĕрленес ĕç пуçланнă.

И.Н. Ульянов ячĕллĕ ЧПУра Дмитрий Краснов вице-премьера 13 проектпа паллаштарнă. Форум кăçал çулла иртĕ. Чăваш Енре пурăнакансенчен хальлĕхе 70 заявка çитнĕ. Презентацире чи лайăх 100 проекта кăтартĕç. Вĕсенчен вуннăшне Раççей Президенчĕ Владимир Путин патне çитерĕç. Заявкăсене ака уйăхĕн 22-мĕшĕччен йышăнĕç. Хăвăрăн сĕнĕвĕрсене ideas.roscongress.org платформăра пĕлтерме юрать.

Кун хыççăн кун
18 Ака, 2022

Çамрăк лидерсене шыраççĕ

Патшалăх управленийĕнче ĕçлес кăмăл пур-и?

Çамрăксене карьера картлашки тăрăх хăпарма пулăшас тĕллевпех республикăра «Çамрăк лидерсен команди» конкурс иртет. Унта 35 çула çитмен Раççей çыннисем хутшăнаяççĕ. Çакăн валли ака уйăхĕн 25-мĕшĕнчен пуçласа çу уйăхĕн 9-мĕшĕччен lider.cap.ru сайтра электрон мелпе регистраци тухмалла.

www.hypar.ru

Кун хыççăн кун
18 Ака, 2022

Чăваш ялавĕсене çĕнетесшĕн

Кăçал Чăваш Енĕн патшалăх символĕсене йышăннăранпа 30 çул çитет, çавна май асăннă куна ака уйăхĕн 29-мĕшĕнче пушшех сумлă паллă тăвасшăн. Ун пирки ЧР Пуçлăхĕ Олег Николаев тунтикунсерен ирттерекен канашлура культура министрĕ Светлана Каликова каларĕ.

Çак кун шкулсенче уроксене символсене халалланă информаци пилĕк минутлăхĕпе пуçлĕç.  Правительство çурчĕ умĕнчи лапамра анлă мероприяти йĕркелĕç. Пĕрлех министр тĕрлĕ çĕрти чăваш ялавĕсене те, кивелсе тĕссĕрленнĕскерсене, çĕнетме чĕнсе каларĕ.

Культура

Pages

Хыпарсем